我唔知到底有幾多父母會考慮買早教教材，而市面上真係勁多選擇！好記得其實當時陀住仔仔我老公已經好堅持一定要買迪士尼美語世界套教材，係BB展專登帶我去搵個booth，而我又覺得咁貴係唔係要考慮一下先呢⋯⋯而且係媽媽group都有推介買其他，例如巧虎嗰啲咁...我嗰陣真係一啲都唔明白佢做咩咁堅持，仲要咁急住買喎！不過見佢咁上心，我最後係妥協咗，最慘嘅係（我覺得）由我陀住已經開始播套教材嘅歌俾我聽.....其實我一路陀住到生我都唔係好信咁快聽住會有用，但原來真係有幫助！ 就係因為咁Hinsley 由胎教開始用緊迪士尼美語世界教材，直至到宜家已經4年！由當初1,2個月大聽到佢地啲歌會唔喊腳撐撐EE ERER咁，到宜家已經培養出每天自已攞書睇嘅習慣，我都估唔到佢會咁鐘意睇書，而且當播放著DVD時候仲會跟著電視機上嘅小朋友一齊唱歌跳舞。其實我好估唔到佢真係不經不覺就學咗！當平日同佢講開書中或碟嘅內容時，佢誇張到可以拎返出黎指返俾我睇個出處，仲可以講埋個故事我聽!   佢宜家大啲就勁鐘意點書，因為有時用米奇點讀筆點到書中喜歡嘅歌曲，他會持續點在同一個位置，而歌曲中的內容更能在日常生活中靈活運用。例如我們經過行人隧道時，Hinsley會唱出 “into the tunnel and out the other side”，過馬路時會告訴我“green is go, red is stop”。A-Z卡上嘅生字難佢唔到，問答卡佢都可以自己答啱哂，其實佢不經意咁學咗，我覺得好amazing！現在3歲多啲嘅佢已學會簡單短句，這套教材能讓他輕鬆學習英文及融入生活中，我最開心係入面有好幾部分教小朋友要share and take turns，而我無特別去教佢都可以理解到哩樣嘢，佢真係會分享同排隊，即使其他小朋友走黎爭或者唔俾佢玩，佢都會等，um...有時佢都會出聲同人講要sharing 咁嘅...不過我已經覺得佢做得好好架喇！其實見佢每天笑咪咪的學習，媽媽我已經好心意滿足！而且我終於明白點解老公當初咁堅持要買！ 雖然我打到好似廣告咁，但真係唔係，只係作為用家嘅我真心推介，仲有樣好嘅係當初買嗰陣個顧問唔係淨係sale完就算，佢真係隔一段時間就打黎跟進，仲會提我要開邊樣出黎玩，仔仔生日仲送禮物俾佢添，佢真係唔話得！我相信有好多父母都俾好多哩方面資訊搞到唔知點揀好，而市面上的確有好多近似嘅產品，所以我就分享一下我嘅經驗，希望幫到考慮緊嘅父母啦～宜家仔仔3歲多啲，唔知用到幾時可以畢業呢☺️