做左人老婆咁耐，都冇整海蔘、花膠呢類傳統中式食物～～冇計，因為要自己發就覺得好難咁⋯⋯但早排身痕買左2盒花膠BB諗住試下整，就算整衰左都冇咁肉痛嘛～～ 上網睇要發花膠其實唔難，但要花時間又浸又灼又浸⋯⋯不過個d都係大大隻花膠黎～～對於花膠BB, 處理上相對簡單，而且我唔用傳統既薑、葱浸法，相對可以保留膠質同原有味道～～ 材料： 花膠BB （每半斤25-35隻） 紅棗 數粒 做法： 1. 將花膠浸凍水1-2 小時至軟身 2. 紅棗開邊，放係水度煲至大滾    3. 放入浸軟左既花膠，灼2-3分鍾就熄火，立即放凍水再浸一晚或者6-7小時，隔水洗乾淨就用得喇～～    大圖係發好浸完一晚既效果，厚肉變左大隻仔～～細圖就係浸左未發個時毎樣，同乾身個時差唔多大細咋～～    P.S.:  1. 用薑葱出水會影響花膠本身味道，所以轉用紅棗就冇呢個問題，而且紅棗癖腥既效果都好好；另外，如果由花膠浸係熱水入邊冷卻，會令膠質流失，故煲左2-3分鐘後轉為浸凍水才可保留膠質 2. 花膠遇油就發唔起，死左⋯⋯所以一定要小心，所有容器要洗乾淨，確保冇油呀 3. 如果屋企有蒸爐，用蒸既方法都好方便架 4. 浸發花膠既時間要視乎花膠既大小同厚薄呀～～ 特別鳴謝新興堂太子女既指導～～落紅棗呢個方法都係佢教我架咋～～ 我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品～ https://www.facebook.com/JacoYK/ http://www.instagram.com/zita_jaco