承接上文發花膠篇,發好既花膠BB可以用黎煲湯、整甜品~~今次就簡簡單單整個甜品同老公sweet sweet 下先~~零技巧,只要乜都放哂入煲就可以喇~~ 材料: 已發好既花膠BB 2隻 紅棗 4粒 蓮子 10粒 全脂奶 400ml (唔好用高鈣低B奶/脫脂奶) 薑 2片 冰糖 1小舊 (其實可以唔落都夠甜) 做法: 1. 紅棗開邊去核;蓮子浸一陣就開邊去芯 2. 花膠剪開 3-4 塊,跟住將所有材料放哂入碗,倒牛奶,封蓋燉1-1.5 小時就食得喇~~~ **慳時間之選:咁因為我仲要煮飯,冇地方俾我再燉野~~咁我就預先整好哂材料,煮好飯就拎起飯煲,放同等尺寸既碗落去燉,食完飯就啱啱燉好架喇~~呢個飯煲仔堅好用!! 老公試食完話好食,但太甜喎~下次可以加多2粒紅棗,唔加冰糖添~~呵,仲補呀~~ 我家裕喬的PAGE, 媽媽盡量每日UPDATE喲~歡迎大家like and follow~~ 亦都歡迎大家聯絡我地合作及試用產品~ https://www.facebook.com/JacoYK/ http://www.instagram.com/zita_jaco