悦悦五個月啦，媽媽爸爸決定第一次帶悦悦衝出香港????????就梗係近近地去澳門啦！ 可以先體驗下唔係屋企，一個陌生環境BB有咩反應，同埋就算有咩突發事情都可以即時返港。 悦悦第一次坐船好乖呀！ 我就揀咗係漁人碼頭嘅澳門勵庭海景酒店，房價算幾平，平日入住連早餐都係$830左右。 當日到達港澳碼頭後就轉乘金沙酒店嘅發財車，落車之後行去對面就係酒店啦！好方便！ 當日辦理入住手續都唔使排隊仲幫我地升級左做海景房添！ 入到房間真係好驚喜呀！如果以咁嘅價錢來講我覺得佢個裝修都有五星級的享受。 入住前我send個email問有冇嬰兒用品提供，酒店只有嬰兒床同嬰兒浴提供但我覺得無需要就無要啦！ 浴室用品係用loccitane 房間算幾大最重要係無煙味，可能係因為唔屬於大型賭場酒店，所以呢六都冇咩旅客入住，半夜瞓覺都好安靜。 用iphone可以唔使帶充電 當日我哋加$335/1位，仲食咗佢哋嘅自助晚餐，都有生蠔，長腳蟹。食物種類唔多，質素普通，但勝在環境清幽(得10位左右)。如果唔想離開酒店嘅話都值得一食。 老闆娘Toby & Elley Follow my Facebook & instagram http://www.facebook.com/ladybosstoby http://www.Instagram.com/ladybosstoby