呢排成日都落雨搞到放假好難安排節目，好彩Megabox呢個暑假有好多活動，玩足全日都無問題，去片 變變變 move 生物體驗展   當上個月知道呢個展覽會嚟香港，諾媽就極速用早鳥優惠$118買定飛，完全因為諾諾真係好鍾意動物；展覽成功捕捉到小朋友嘅喜好，小朋友都非常投入去扮演動物角色！如果能夠再多一兩個場景就更好, 宜家有d唔夠喉。   IKEA 兒童樂園   諾諾終於過咗90cm啦，今次可以入去IKEA 兒童樂園玩，亦係一次好好嘅分離體驗，因為係真正嘅陌生地方＋陌生人；諾媽同諾爸又可以二人世界一下,免費波波池、玩具庫、專人照顧 去邊度搵？快d嚟IKEA啦   PeppaPig沙灘派對   相信無細路唔識Peppa Pig啦,大型造型裝置將旅遊車、沙灘、船、燈塔都完美展出係5/F, 細路上上落落搵齊Peppa Pig 一家；旁邊重有大量Peppa Pig商品售出，家長要緊守銀包！   諾媽感想： Megabox 啱晒夏天/落雨嚟，諾爸非常滿意終於唔洗佢係街外面熱到溶化,加上有超多餐廳可以選擇，完全無搵食困難，期待下次再嚟溜冰兼睇戲   --------------------------------- Facebook:諾諾遊記https://www.facebook.com/Noahgogogo/ IG: https://www.instagram.com/noahandmommy_/ YouTube: Noah gogogo 諾諾遊記   歡迎產品試用/推廣/活動/試玩試食合作 email:babynoah686@gmail.com