唔經唔覺孕期走到最後直路， 我打算係寶血醫院生，小baby雨晴 已35周 ，8 月頭就要同各位靚EE見面啦～ 所以係時候要準備好走佬包包啦！ 其實今次係驚喜的一胎，本身係無打算生小朋友的 ，但現在都開始好享受同小雨晴竹時間，好神奇！所以之前 一聽到走佬袋， 又網褲又床墊， 見到未見過 ，頭都大埋，所以都拖左好耐。最後迫住用心了解下， 再去荷花、Aeon、一田睇下實物，比較下價錢 再問下sales , 原來都唔係令人咁大頭佛！ 好彩啫～ *備註： 1. 因為呢我打算剖腹產及8月生， 所以資料内容會以開刀要用及夏天出世BB用， 不過可能都同順產要帶的差不多， 順產媽咪，就要加多少少野比自己啦，例如水泡等 。 所以， 我都加左啲「空白」欄， 方便大家加上自己需要用品嘛^^ ～ 2. 其實無論私家醫院定係政府醫院 都有提供部份用品，何如大M巾、床墊等，所以可以先問下醫院方面 提供多少條 等，咁就唔使帶咁多野啦 ～ 3. 坊間都有不少唔同牌子的走佬包套裝，我計過都係平幾十蚊，但睇下自己用唔用得晒啲野，因為好似大Pack套裝 都有 L/M/S碼M巾，但其實好似S 碼 同平時的已差不多Size，不過係唔使煩的情況下，一買無坊 haha. 最後，我歸納左幾大類， 仲整左個 ❤︎ 靚靚《走佬袋清單 》❤︎ 同大家分享， 大家可以隨便download /儲存 及分享比準媽媽朋友～ 希望大家望住個靚清單Check List ，心情都靚啲， 輕鬆啲， 開開心心準備迎接你的小baby! ** 如果大家想要PDF高清版，都可以留言㗎，我再send 比你啦 :) 到時再聯絡～ 另外， 我專登拍左條片同大家分享吓我用邊隻牌子？ 幾錢？ 咩Size? 仲即拆包裝， 等大家都睇得清清楚楚， 唔使買多 或買錯 （因為M巾都有L/M/S碼，但係咪真係要買晒 3個Size 呢 ？）所以睇左可以知到 揀啱自己要咩，慳得幾多得幾多！ 始終生BB同照顧佢都係一大筆啦～ 詳細介紹 可 Click 入下面 ↓↓ youtube ↓↓ 影片^^ （喜歡的記得訂閱， 想睇咩也可以留言比我， 我生完都會繼續拍分享的^o^） *因為唔想條片太長，同埋個清單唔想太多細文解釋，留返比各位媽咪自己加"件"數，所以係以下 再解釋下啦 ： 媽媽貼身用品： - 產婦衛生巾L 碼 1 包（ 頭幾天惡露會較多 大碼較合適，寶血醫院也有一包提供，所以我只係帶一塊咋 ，也有M碼同S碼分 ，） - 網褲/即棄棉褲 1-2包 （有扣款更好，剖腹媽咪也用少啲力除褲，輕輕抬起臀部就可以，方便姑娘/家人幫產婦更換，而且揀中腰 咁就唔會壓到傷口啦 ） - 床墊1包 - 睡衣1套 (開胸，方便餵BB） - 可餵奶Bra （入院出院入） - 母乳墊 （I.e 母乳M巾。雖然唔知有無奶比bb,但都要帶備少許， 有奶嘅～） - 生理沖洗瓶 （下身沖洗用，頭一兩天惡露較多， 無論剖腹/順產都會方便清洗下身） - 拖鞋 （自己及老公） - 修腹帶出院用（ 因為我剖腹產，包著腹餵奶 ,就算BB動手動腳，也可保護傷口） - 出院衫（如果跟入院不一樣） - 披肩 （真係唔知病房 凍定熱，更加唔知自己體力點 ） 護膚及清潔 - 毛巾2條 （ 洗面及抺身用，應該沖唔到涼 XD ） - 衣架 衣夾（掛毛巾用） - 牙刷＋牙膏 - 潤唇膏 （護士話生完BB啲媽咪口唇好乾，一定要帶潤唇膏） - 盒裝紙巾 2 盒 （床頭 /後備） - 濕紙巾 - 口罩 - 洗頭液（ 按個人需要） - 沖涼液 （ 按個人需要） - 護膚品按個人習慣 （防曬, 卸妝、洗面、精華、爽膚水、面霜、潤唇膏、面膜、潤手霜- 當自己去了夜短trip 旅行用????) - 適量輕便化妝品 （ 出院或拍照前用，生完都要靚靚，粉底、眉粉/眉筆、胭脂及掃）出院用，但住院不建議化妝 因為醫生要睇健康情況） - 頭髮護理：梳、髮夾、橡筋 （餵BB都要扎起頭髮） -清手消毒液 （有位媽媽在youtube 留言提我㗎^^，食野前/餵BB前都係消毒好，仲介紹埋BabyGenics 牌子 organic~ 佢小朋友都用緊，大家又可以參考吓啦～ 多謝Calbibi mama ~ ） 保健補身： - 炒米茶包 ：一包包入定 - 薑水（洗手用） - 大保温瓶 （媽媽不可喝冷水哦） - 面盆（方便屋企人照顧，係床側就可以洗面啦 ） - 保温杯 - 營養補充品 （ 生完都要繼續吸收多種維他命，繼續吃懷孕期間的營養補充品） 入院文件及零錢： - 自己身分證 - 老公身分證副本 - 醫院發出分娩証明書 - 入院信及按金單 - 少量現金及八達通 - 化驗報告 （有啲醫院如果到時無，係有機會收錢，所以都係帶埋啦 ） 其他： - 電話及叉電器 - 電腦 /ipad 及叉電器 （個人需要啦，不過媽媽到時都係要多休息） - 拖板（因為唔知插頭在那） - 輕便電熱水煲 （我自己係咪好誇？但又唔使下下帶咁大支水 ，即時煲都好方便） - 健康小食 （例如係啲高蛋白Engergy Bar 能量棒 , 乾果，果仁之類，突然肚餓充可飢用） - 鎖???? （床頭櫃私人物品用） - 風扇仔 （醫院啲風未必好平均，所以怕熱媽咪都可以帶定） 始終每個準媽媽需要都唔同， 都係按自己需要去預備啦^^ * 睇完個清單 同影條片 ， 係咪覺難唔到你呢？ 其實同去幾天Trip差唔多, 只係加左少少大容量M巾、護理用品及保健飲品。 哈哈 ～ 唸到係旅行咁， 心情會唔會輕鬆啲^^ 各位媽咪加油呀， 無論順產定開刀， 大家的決定都係小baby及自己最好， 預祝各位順順利， bb健建康康同你地一齊出院♡～ 個表整左好耐，希望都可以幫到大家 少少啦～ 如果喜歡的，記得讚好我的專頁【C Ching】 ，不時都會有簡易食譜分享 或其他抵買items 或到instagram 睇更多靚相及收取第一時間有趣資訊啦～多謝❤︎！ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ 歡迎任何邀稿、產品試用或活動出席, 可聯絡：cchingmi@gmail.com see you in the next article / video ~ xoxoxo, Cching Say Hi to me ^o^？ ▶️youtube: https://www.youtube.com/c/cchingxo ▶️Facebook: https://www.facebook.com/cchingmi ▶️Instagram: http://instagram.com/cchingmi ▶️Blogger: http://blogspot.com/cchingmi #youtube #Ublog #Cook1Cook #Mamibuy #Beauty Exchange #weshare #香港01 #Esdlife 靚太club
