去到33周啦，我先同老公走去上雞精班產前講座。 可能小baby雨晴，一路都好乖， 我無晨吐， 又無特別唔舒服， 行得走得。只係7個月開始水腫及少少恥骨不適，所以我呢位新手媽媽樣樣都無太緊張， 又怕太早上 唔記得晒啲野，去到最後先臨急抱佛腳上產前雞精班，大家咪學我呀 lol～ 首先講吓 點解㨂寶血醫院的產前講座？ 因為我揀左係寶血生BB，所以呢個講座我係免費㗎 （其實可能係個套餐價錢包左啫，我太天真了 哈哈）～ 而其他非寶血生就要$300/堂， 不過可帶同一位人仕陪同入場 ， 詳細可以睇返以下資料～ （至於點解最後揀寶血，有興趣的可留言，咁我再同大家分享啦 :) 究竟值唔值得參加呢？ 以下係純個人分享， 大家可參考吓，始終每個媽媽需要唔同^^ Book咗後，姑娘到了講座前一天會致電提醒你6:00pm到大堂登記， 6:30正式開始。 驟眼望上去，時間感覺很長，由6:30-8:45pm 。心唸，使唔使咁長呢？但估唔喎，內容都幾充實，唔覺唔覺就夠鐘～ 成個講座，對我來講，最有用係母乳嗰Part，真係學咗好野！ 今次講解的係 "駐場資深註冊護士助產士暨國際母乳餵哺顧問"來講解（我在此簡稱佢”國際級奶媽”， 希望佢知道唔好嬲我^o^， 因為佢派頭太長，哈哈）佢透露自己也有兩位小朋友，哥哥餵咗31個月母乳，第二個現在是10個月BB。所以佢唔止知識層面，實戰經驗也非常豐富，我覺得可信性好高架～ 其實自己都有睇書學吓有關餵母乳知識，同埋上網睇很多媽媽分享成功或失敗case。但今次"國際級奶媽"直頭拿著乳房模型示範，點樣按摩？點樣容易擠奶？點樣容易上奶？以及BB吸啜技巧，動作等等，感覺好似自己已置身其中，發生左一次咁，好真實呀～心理上打左支強心針，好似無咁驚到時唔知點算～ （不過到時可能又唔係咁易，到時又要係到請教各位媽媽啦 ～） "國際級奶媽" 好專業的示範，一點都不尷尬 ～ //提外話加插// 在此也分享一本書《 新生兒父母手冊》，一本非常非常詳細實用的翻譯書，原名為” what to expect in the first year” . 由BB 未出世，到一歲的所有知識都在有。係一本國際極度暢銷的育兒書（好多明星，包括香香都有睇，但人地係英文原著版）。裏面都有包括了詳細母乳餵哺知識。 所以看過這本書，有左少許基礎，再加上「國際級奶媽」親身示範，所以成件事立體哂，完全想像到當時情況，非常得益！！！ 《新生兒服務手冊》，我係台灣網站金石堂買的， 印象中香港大約$250/本，但台灣只售$150左右， 就算再加運費$40 ，也比香港便宜。如果買兩本書上，運費都係$40，所以其實是相當抵！ 可以送到家中附近的便利店circle K 或 7-11，好方便添～ //提外話完// 講座中邊部份我覺得有咩無用呢？ 最無聊的事，係中間有一段AIA保險時間，主要sell 你幫未出世BB買定保險， 大約用左15-20分鐘， 也用金豬來引你， 填資料等。 但我無需要， 所以資料都無填到， 不過可能有人有需要呢～ 但大會的三文治同水係佢地贊助嘅， 我同老公一人一份拿走醫肚皮， 都好多謝佢地～ 好啦到大家最有興趣的戲肉，就係禮物包： 到底有咩禮物呢？ 其實冇預過原來有禮物㗎～一心只唸住產前聽講座是指定動作， 生之前點都要去一去。 姑娘致電時，已經提我地自己預備一個環保袋，因為有小禮物送俾我哋，不過估唔到原來咁多^o^！ 先來一張大合照～ 我地一齊睇下係咩東東，我都有分吓類，等大家清楚少少啱唔啱用先 ： ⇧營養補充品⇧ 1/ 鈣片連維他命D丸- 10days 2/ DHA oil - 7days 3/ 綜合維他命及礦物質 -7days ⇧護膚及清潔用品⇧ 1/ BB lotion 2/ Shower Gel ( 橙色 及紫色嗰兩支 ） 3/ 媽媽用的 Bust Firming + stretch mark oil+ body firming 4/ 阿田代言的 女性清潔用液 5/施巴： BB潔膚浴＋女性護理潔液＋BB body lotion ⇧BB清潔用品 ⇧ 1/ BB洗衣液 2/ BB洗衣液 3/都係 BB洗衣液 ⇧BB貼身用品 ⇧ 1/ 片片 2/ 口水肩 （白色嗰條） 3/ 小奶瓶 （呢個係全部中我最鐘意㗎，粉紅色，個Pattern 都靚，但唔知到時雨晴啱唔啱呢？希望用得著啦～） ⇧藥品⇧ 1/ BB防蚊膏 2/ BB止痕膏 3/牙炎清（真係唔明點解會係到 ，哈哈 ～） 4/ 健康科技水 （我唸係啲殺菌用的水 ，寫明係高科技喎 .. :D ) 5/ 跌打噴液 （又係唔知點解係到出現，哈哈。 但寫住係消腫等 ，應該都有啲用） 最好笑係以下呢張Coupon⬇︎： 買滿 $300 可用 $100 ，係咪勁抵呢？ 但一反轉，你睇？ 已經過左期啦。。。真係太搞笑，所以同大家笑吓！ hahahah !! 最後感言- 【想餵母乳媽媽必看】 如果大家係唸住餵母乳的準媽媽們，我真心覺得是非常值得上這個產前講座，除咗以上所講的餵母乳技巧及知識外，仲可以直接問" 國際級奶媽" 好多問題，例如奶泵挑選？手動或者自動？ 怎樣舒緩脹奶情況？ 等等 或其他問題。 佢都好專業、樂意解答。 至於那些免費贈品，如你也用得着，咁$300就抵返晒啦！（不過可能每次贊助商都有少少出入的），所以都係按個人實際需要，再比較下其他講座同埋其他準媽媽嘅分享，睇下值唔值得上啦！ 準媽媽們，無論順產或開刀，大家都係為左BB 及自己好，一起加油噢！祝寶寶也健健康康♡！ 如果覺得鐘意呢篇文章，記得讚好我的專頁【C Ching】 ，我不時都會有簡易食譜分享 或其他抵買items 或到instagram 睇更多靚相及收取第一時間有趣資訊啦～ see you there ❤︎！ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ ▿ 如有任何邀稿、產品試用或活動出席, 可聯絡：cchingmi@gmail.com see you in the next article / video ~ xoxoxo, C Ching 歡迎去以下平台，Say Hi to me ^o^？ #youtube #facebook #instagram #blogspot #Ublog #Cook1Cook #Mamibuy #Beauty Exchange #weshare #香港01 #Esdlife 靚太club
