好耐無約過班老友出黎啦， 咁岩大家都好想食放題所以朋友搵左呢間尖沙咀親子放題。 通常放題比我既感覺都係好迫又唔太合適帶小朋友去， 而呢間岩岩好相反！ 菠蘿包出左世咁耐就無去食過放題啦！ 菠蘿包媽真係超級無敵好饑渴！ 呢間放題有齊哺乳室，換片室，遊戲室！       當大人食緊野既時間小朋友就可以去遊戲室到放電啦！ D魚生都好新鮮！而且每次上台都係放到靚一靚， 一d都唔會馬虎！   因為大家都太肚餓既關係， 只係影左呢二張相就已經進入忘我狀態， 唔記得左影相！    菠蘿包：daddy比我食啦！ 好彩呢到有熱食既烏冬，叫左一碗比菠蘿包食。  勁多唔同既飲品任飲， 凍食既小食，甜品，雪榚都任拎！ 整體黎講都算係幾好！ 熱食既唔太多選擇。 串燒就燒得太熟。。 其他食物都唔錯！   仲有菠蘿包媽最愛既雪榚呀！   我地星期五8點45分入場， 每人$238未計加一！ 建議先打去訂位，朋友都係前一日打去訂位， 全場爆滿！ 仲抵係我呀！我唔洗收錢但係又食左好多野^ _ ^    日悅極尚日式放題      地址: 尖沙咀麼地道67號半島中心2樓 電話: 23118888 **珍惜食物，食得哂先好追加！ 同埋可以係地下睇噴水池，依加真係好小地方有！ 菠蘿包睇到好開心！   歡迎合作～產品試用～～交流育兒心得️ Esdlife blog: http://wow.esdlife.com/space.php?uid=83855 Mamibuy blog: https://mamibuy.com.hk/home/12147/ Mamidaily blog: https://mamidaily.com/author/kayyauoutlook-com Ig: http://instagram.com/Hector.so.512 Facebook: http://www.facebook.com/HectorSo512 Email： kayyau@outlook.com