天使媽咩都遲鈍過人，連戴小朋友做過敏測試都等到囝囝19個月先去做。 剛剛測試完醫生講： 「你囝囝好OKAY呀，大部份野都冇過敏反應，唯獨是水銀同鉛比較過敏。」我心諗之前睇過兒科醫生又話我個囝食物過敏。 我再問過敏測試醫生：「咁係點理解？」 醫生解答：「水銀方面，你就唔好比小朋友食海魚同海鮮；但可以比小朋友試下淡水魚／蝦。」 我又再問：「咁鉛咧？」 醫生解答：「鉛方面，生活之中經常都有機會接觸到。例如：染色的木製玩具、塑膠玩具。或食水方面都會有影響，可以安裝去重金屬的濾水器。」 醫生又補充話：「雖然你囝囝對於動物毛髮屬於低敏，但都唔好比佢接觸到比較好。」   原來我一直誤解囝囝一食魚就起敏感粒粒，就唔比魚佢食，係錯的...... *純粹少少分享，希望新手媽媽襯早戴BB去做過敏測試，唔好好似我咁。