你家個位係咪豬隊友❓   正所謂唔怕神一般嘅對手，最怕豬一般嘅隊友！ 一直訓係你隔離個位又係咪豬隊友呢？   我講下我位枕邊人啦 1) 幫細佬沖涼，但細佬飲哂水都唔知 2) 同D仔玩到癲後，最後去廁所要我收拾殘局 3) 換片成日唔記得整防漏位，爆哂片時下個換片係佢自己，又搞唔掂，揾我求救 4) 帶D仔出街成日都汁漏嘢 5) 同個仔出街，個仔調轉左條褲著都唔發現 6) 夜晚BB訓教時間，仲抱佢傾計(最後個仔12點都未訓)   暫時諗到咁多...你地屋企又有無豬隊友呀？ 不過，雖然有時真係好豬，但都好多謝爸B係做完嘢後，返到屋企好攰都照顧2個仔。有時候連煮飯，沖涼，陪玩都係佢，真係辛苦哂你呀！所以我會原諒你架豬隊友！   #張相係我生細佬前幾個鐘 #衰老公比知我禁食專登買野食係我面前食 #專登駁鬧 ===================== 歡迎試用產品 出席活動 投稿 廣告 親子育兒。旅遊。寵物。打扮 購物狂媽媽與Noah·Deron Facebook: http://www.facebook.com/A.ShopaholicMama/ Instagram: http://www.instagram.com/kayibobo Blog: http://ashopaholicmama.blogspot.com/ MamiBuy: https://mamibuy.com.hk/home/18396/