望住囝囝乖嘅時候好心甜，但一個人湊佢飯都無時間食，或者好扭計不停喊嘅時候，有時都幾懷念包包仲喺肚入面嘅日子。 諗返起大肚時真係好似公主一樣，老公真係極力細心照顧，身邊有啲孕媽朋友話自己水腫暴肥好醜樣唔想見人，大肚相更加係耍手擰頭， 有睇開包媽BLOG嘅朋友都知，我哋影咗6輯婚照，大肚相就一定無咁誇張啦，但就一早決定要影﹗﹗人生有幾何會俾自己個肚去到40吋﹗梗係影低佢第時俾個仔睇下啦哈哈   作為一個精明嘅媽媽，前後問咗30間孕照拍攝公司，價錢同質素都大不同，真係平到幾百蚊都有，但係包爸就話：「一世人結一次婚，大肚我諗最多都係一兩次嘅事，唔好慳啦揀間自己鍾意啦~」 更多分享請follow FB Page：雲妮手札 https://www.facebook.com/winnie810corner/ Rance當日有幫我影過一輯Bridal Shower，仙氣到一個極點﹗﹗ 當日影相勁開心，班姐妹到宜家仲係念念不忘 居然一直未得閒幫佢打返篇blog，唯有宜家合拚一齊嚟啦哈哈 呢2年不時呻「如果當日輯相老公都有份影就好啦」，飛雲機會嚟啦，喺老公一槌定音下大肚相又搵返Rance啦~~ 化妝同衫就有bigday晚裝男禮設計師Rachel出手，估唔到40吋肚仲可以著到晚裝﹗好靚呀﹗﹗ 影相當日係包爸包媽結婚2周年嘅日子，無得去旅行就特別D影相度過啦~婚禮前後已經認識合作過，呢日影相真係好開心~~ 包媽到孕後期真係肥咗又醜咗但喺化妝師同攝影師巧手下，相片真係靚到不得了﹗﹗ 好自然好溫柔好sweet，心心眼Thank you R&R^3^ ************************************************ 包媽雲妮有多重身份：新手孕媽，娛樂小編，主播，活動主持…… BabyKingdom駐場Blogger 邀稿│出席/主持活動│試用│試玩 歡迎inbox FB PAGE雲妮手札 聯絡 更多分享 請follow Instagram : Winnie810hung FB Page: 雲妮手札 https://www.facebook.com/winnie810corner/