大家近來少咗行商場，不如趁秋天同啲小寶寶去草地野餐。香港有草地嘅地方唔多，今日就同大家介紹一下呢個大到有外國feel嘅野餐聖地-佐敦谷遊樂場。 呢度有香港少見嘅特大草地，大小朋友都可以除咗自己對鞋，比對腳鬆下，赤腳行下草地～唔講真係為自己身處外國公園。大人小朋友可以一齊瘋狂咁玩吹波波、踢波、打羽毛球等，真係一個放電嘅好地方。係呢個天氣，最適合就係嚟野餐，你會見到大大小小唔同嘅帳幕，大朋友可以預準健康食物，小朋友係草地上玩，呼吸新鮮嘅空氣，好舒服寫意。不過提提你，呢度係唔可以玩平衡車或者scooter 㗎~ 呢度亦有一個頗大型嘅遊樂設施，小朋友絕對唔使驚會悶。 喺另一邊，會見到一個成人遙控車場。喺度你會見啲人係度改車，喺賽車場上會見到啲人非常專業咁玩遙控車。我哋睇人比賽，都覺得非常刺激，2個小朋友睇得非常投入，睇到唔捨得返屋企。此外，呢度有少見嘅兒童遙控車場，較大年紀嘅小朋友可以帶埋心愛嘅遙控車嚟，同其他小朋友一齊較量下，非常有氣氛。 想知道更多親子去食去玩/ 考學校/ 教養嘅資訊，快D Like 我嘅 Facebook page 啦!! https://www.facebook.com/yeungyeungmama/