又有新場喇！仲要喺屋企附近喎！當然第一時間嚟試玩啦^^ 全新室內親子樂園-100 FUN 樂滿紛，場地有成7000呎，樓底高，好開揚！設計以「家」為概念，配以柔和色調，帶出溫馨舒適嘅感覺。 樂園內設多個兒童遊玩設施、免費工作坊，啱3-12歲嘅小朋友。 亦設有親子互動遊戲區，大人同小朋友齊齊玩。 而家就帶你睇下有咩玩啦^^ 一嚟到，就見Fullhouse一家人係門口，當然要打卡合照先啦！ 入到場，就見到巨大浴缸造型波波池喺正場嘅中央位置！ 巨型浴缸內有4條3層高嘅滑梯，小朋友坐喺滑梯上，滑落去魔法姐姐Tiffani嘅大大浴缸內。   兩層高攀爬區   罕有室內兩層高空中歷奇繩網陣，考驗小朋友體能及膽量。 ▲▼須配帶安全帶及帽 *留意番有高度限制* 巨型MEGA扭蛋機 繽紛廚房、迷你超市   較小嘅小朋友就可以到開心小天地玩，有迷你波波池、小滑梯、互動投影。 互動投影沙池 玩具區 仲有搖馬及玩具車玩   而大人同小朋友可以一齊玩電玩遊戲機、夾公仔。 除咗玩樂，喺滿紛學堂仲設有免費工作坊及故事分享俾不同年齡嘅小朋友參與。 大家可以於售票處了解番每日課程表。 場內亦有好多好得意嘅精品供大家選購。 定時仲會有FullHouse嘅家庭成員出嚟同大家見面添！ 溫馨小提示: 1. 必須穿著防滑襪進場。如沒有防滑襪，在售票處有售，$15/對。   收費表: *試業期間門票可享8折優惠* 玩完放完電，肚仔餓，可以去到旁邊嘅Fullhouse Kitchen 滿屋廚房醫下個肚仔。 餐廳環境相當舒適，仲有好多好得意嘅公仔同擺設，打卡一流。 而食物方面都不錯，提供套餐，港、台、日及西式小食，多款網紅飲品作選擇！ 我就order咗個兒童餐($58)俾小b，價錢划算，份量仲唔少，有飯/意粉，薯條/沙律，啫喱杯，仲有一杯果汁。   而媽我就order咗 $48滋味套餐，包括焗豬扒飯連一款小食及一杯飲品，好抵食呀！！   100FUN樂滿紛 地址: 九龍橫頭磡聯合道198號樂富廣場3205-3208號鋪 電話: 3615 0159 營業時間： 星期一至五10:00-17:30; 18:00-21:00 星期六、日及公眾假期 10:30-13:30; 14:00-17:30; 18:00-21:00 Fullhouse Kitchen 地址：樂富廣場3203-3204號舖 營業時間：星期一至五11:00-21:00 / 星期六、日及公眾假期09:00-21:00     #100FUN #樂滿紛 #親子樂園 #樂富廣場 #嶄新設計的兒童主題樂園 #打卡熱點多 #滿屋廚房 #Fullhousekitchen #港台日小食 #台式飲品 #親子玩樂 #親子好去處 #放電好去處