為了得到綿綿歡心，簡唔中都要搞搞新意思！ 所以今日將d飯變成波波型， 等佢用手揸住食，順便又可以鍛鍊下手仔小肌肉~ 今次d白飯佔有紅菜頭既顏色， 有顏色望落去更加吸引呀! 只需一個電飯煲，就可以做到喇，既簡單又方便 [紅菜頭三文魚波波飯糰] 食譜 (適合10個月或以上bb食用) 材料： - 米 (因應bb食量) - 紅菜頭 - 三文魚 - bebefood 嬰兒烤紫菜碎 - 貓咪造型紫菜   煮法： 1) 將米洗好加水放入電飯煲 (米及水份量，預1比1.5) 2) 紅菜頭切粒放入電飯煲一齊煲 (飯煲好就能沾到紅菜頭既顏色喇) 3) 待煲飯差不多收水時，就可以將三文魚放入電飯煲一齊煲 4) 煲好後，將三文魚拎起壓碎及檢查有無骨 5) 再將已整碎既三文魚放入電飯煲一齊撈混 6) 預備一張保鮮紙，用作搓飯糰波波 7) 將大約1湯匙飯料放上保鮮紙上， 然後將佢包實， 慢慢搓出波波型，就可以取出。如果想做餅型， 搓成波波後壓扁即可 8) 搓好所有飯糰，沾上紫菜碎，就可以上碟喇！ 好開心見到綿綿好快又食晒，令我更加有動力繼續諗更多新菜式， 希望你永遠都喜歡媽媽做的菜~ 可因應bb喜好轉換其他食材去煮的， 如果有更好方法， 歡迎留言給我，互相交流~   歡迎隨時follow"綿綿媽媽"的足跡: https://www.mamibuy.com.hk/home/13092 https://wow.esdlife.com/sukimama http://mami.presslogic.com/author/suki/