西瓜仔親子環保聖誕樹制作 昨晚終於完成聖誕樹，今次大部份都係西瓜仔自己貼貼貼完成，瓜媽在旁剪剪剪，瓜爸都有『幫手』，負責將水樽界開少少放樹頂粒星星。 環保聖誕樹材料 （零Cost) ： - 水樽 x 1個 - 長型紙盒 x 1個 - 舊啦啦隊手搖花 x 1個 （飲宴舊物資） - 聖誕彩掛條 頭尾少量（公司佈置舊物資） - 星星 x 1（精髓所在，早年聖誕勞作再重用） - 啡色舊信封 （包水樽做花盆底） 1。用長紙盒剪兩張相同大小的聖誕樹，平均地貼在水樽兩面，樽底留番少少位做花盆位 2。剪下手搖花閃條，貼在兩面聖誕樹上 3。聖誕彩掛條剪少量貼在水樽兩旁位置遮蓋水樽位置 4。啡色舊信封包水樽作花盆 5。水樽蓋界開放下星星 （最難界開個樽蓋） 制作無難度，瓜媽如果自己hea做1小時應該完成，但呢個係西瓜仔自己做，所以要兩晚完成。 自從西瓜返咗N班過咗第一個中秋環保燈籠親子活動後，瓜媽就將好似無用嘅物資儲存起，以便不時之需，即係變咗個垃圾婆……膠樽、靚食品紙盒、bubble 紙等……，上年儲落嘅聖誕舊物，今年聖誕終有用武之地 ✨✨✨✨✨✨✨✨✨✨✨✨ Facebook : 西瓜仔與蜜瓜妹 Instagram :  geminard (西瓜媽 ）  Email: geminard@gmail.com 歡迎試用/試玩/試食邀請 ✨✨✨✨✨✨✨✨✨✨✨✨ #西瓜仔與蜜瓜妹 #西瓜仔做勞作 #聖誕親子環保聖誕樹 #親子活動 #diyxmastree #環保 #零成本 #唔係垃圾 #hkmama #mamiblogger #香港媽媽 #hkbaby #cutebaby #instakids