每年12月，世界各地都會有 Christmas market，比大家飲飲食食，歡聚一堂。D·PARK 愉景新城就攪咗一個「冬日美食嘉年華 Winter Market」，等大家可以品嚐各國美食，歡渡聖誕。     場內有多個小食攤位，美食都係即叫即造。當中我大力推介幾款小食。。。       神石燒攤位嘅頂級牛扒、安格斯牛隔肌，牛肉質地軟熟，極惹味。   Yaki Lab 嘅日式串燒亦係必食之一，多個款式，一定啱各位口味。     Donut Cafe 嘅义燒刈包，包嘅質地軟綿綿，义燒肥瘦適中。而鰻魚飯嘅鰻魚大大條，見到都流口水。黑松露炒海蝦，海蝦大隻又爽口。       Oceanus 漁嘩啦四川酸菜魚，就啱晒鍾意食辣嘅老公。     其他仲有西班牙燒豬腩肉、馬來西亞魚蛋等。另外，仲有甜品飲品，例如椰青、手工精釀啤酒、西班牙直送Oreo蛋糕、手工製果醬等等，食到捧住個肚返屋企呀。           食完飲完，可以去埋誠品書店行下，佢地有一個「誠品知味」嘅小角落，專賣台灣小食。睇書之餘又可以繼續買嘢食喇。       ........................................................... D·PARK 愉景新城「冬日美食嘉年華」 日期: 2019年12月14日至2020年1月5日 ............................................................