【幼稚園n班叩門分享】 #留言送你叩門sample信   前排J媽麻幫楓哥搵緊幼稚園n班，我其實一開始就幫佢報左8 間面試，最後因為細b 既關係有三間無得interview，又有一間撞左時間，所以最後只interview 了4間幼稚園。 其實楓哥好好彩，表現唔錯唔係太差，in 左呢幾間，都有學校收，但命運之神永遠唔會令你咁順利，偏偏就係最心儀最近既幼稚園，係waiting list! 本來我都諗住個仔有學校收就算，但係我想為小朋友作最後衝刺，畢竟咁細小朋友番學，近屋企同埋師資都係好重要既因素，於是我親筆寫左兩頁紙，送給親愛既校長，而且聖誕節就黎到，我再嚴選了一張精美既聖誕咭，希望親愛的校長可以加下分啦 寫好信既第二日，我戰戰兢兢一早8:30 把手寫信贈送親愛的校長，過了大概一星期.... 我收到學校既一封信... J媽麻開心到跳起，因為係一封offer letter 「阿媽我得左啦????」 所以在此，希望可以大家交流下，我都分享一下叩門信既內容同小小心得！ 1）叩門信既時間 一般來講，學校派完首輪offer 之後，一定有日子比家長去交留位費keep offer，但每間學校都有人唔要offer ，呢個時候，作為waiting list 既你，叩門信作用好大，畢竟咁多人waiting list , 點解學校要優先考慮你的小朋友？所以要抓緊，學校派第二輪offer 前，你要把神聖既叩門信送到校長手，愈快愈好！ 2）手寫信定print ?定email?  J媽麻自認手字都唔差，同埋屋企printer 傻傻地，所以我選擇咗手寫，以表誠意。但如果你手字唔係太靚，建議用電腦打，整齊好多喎！同埋，我都再有把信send 去學校個email ，起碼校長唔睇我封手寫信，學校admin 都睇到，世事難料架麻！做多一步，都係買個安心！ 3）叩門信內容：先概括學校理念，再讚賞學校或認同學校 其實每間學校既辦學理念都有分別，既然你簡得呢間心儀幼稚園，作為家長既你一定要係信中提及，你了解學校既教學理念及課程，而且信內必須提及你欣賞學校d咩，例如認同學校既作風，或者係學校既育兒理念令你好安心比小朋友係度學習等等 4）當日面試表現及情況 你要說明一下，你同小朋友黎面試時，學校給你既感覺，interview時做過d咩，安排是否得宜？當然一定講下小朋友黎面試都好開心好enjoy，家長黎完面試後，更加鐘意間學校，但最後只得waiting list 覺得好可惜，表明立場好想有offer ，再指明講埋要am / pm class 等等 5)小朋友的性格特質、閒時活動或者小朋友既優點 每個小朋友都有唔同既性格同優點，例如：鐘意與別人分享，你要講下自己小朋友點解適合讀呢間學校，平時家長同小朋友有咩活動，令學校覺得，我地係有心既家長，畢竟而家係寫叩門信，寫多幾句讚揚自己小朋友嘅說話，無壞處！ 6）重新再表明立場及原因-學校是我們的first choice  寫完一輪讚美自己小朋友既說話，要重新表明家長既立場，講清楚自己而家係waiting list 既情況，好希望學校會考慮自己小朋友，學校點都是我們的first choice ，再重新講多少少原因，希望學校會比個offer 比自己小朋友，最後都可以加幾句會多參加家校活動黎博加分。 最後，我覺得無論你寫中文定英文叩門信都好，只要整齊簡潔就好，唔好抄襲太多sample，最好真係家長親身體驗感受，畢竟唔係每間學校都受叩門信呢一套，sample 只作參考之用。 各位偉大的母親加油呀！大家共勉之 想要叩門sample 做齊三個步驟，J媽麻就會pm 你 1）like 《楓哥與J媽麻》Facebook https://www.facebook.com/jeremyandjadema/ 2）留言「我想要叩門信sample」 3）like post及分享此post