影完夢幻的聖誕裝飾，再去歷奇公園玩，充滿電的一天呀！ 葵芳新都會廣場以奇幻森林國度做主題，場內真係好靚，每個場景都佈置得好細緻，好夢幻，安妮媽媽影相影得好開心！ 場內設有6大影相位，有聖誕花海、夢幻色彩打卡階梯、童話精靈小屋等，而空中花園設有多款主題燈飾，相信夜晚亮燈時會更靚，更有另一種感覺。 當中聖誕花海呢個咁靚的場景，兩年前同Aidan都影過，係每年必影的打卡位。   「聖誕花海」有玫瑰紅、香檳黃及淡桃粉紅的聖誕花營造冬日暖意。 每到晚上，環繞在聖誕花海的小燈泡透出閃閃光芒。     夢幻色彩打卡階梯，好靚呀！ 踏入3.6米高童話精靈小屋，外型呈風鈴草帶薰衣草色調的小屋，大家可尋找隱藏的魔法機關，親自按動點亮屋內的古典燈飾。     「木橋絮語」，在銀色聖誕樹映照下，整座「木橋絮語」都被多組閃亮花環燈飾簇擁，滿滿地包圍木製小橋和聖誕樹。   「森林時光」設有一個巨型聖誕花環，坐在木製長椅上欣賞四周森林中的景色，彷彿置身森林氣息之中。   各位靚媽，快d帶你地的小朋友去影靚相喇！ =================================================== 歷奇公園 葵芳新都會廣場過萬呎的歷奇公園以都市農莊作主題。場內的巨型蔬菜藝術雕塑，有好可愛既南瓜，茄子和青椒。 我地影完靚相，就帶Aidan去歷奇公園玩，但佢實在太細膽，太快太刺激的滑梯完全唔敢玩，哈哈！ 當中3.5米高的滑梯最勁，Aidan係爸爸的陪同下玩左一次，之後嚇到唔敢玩第二次，佢都係比較適合挑戰較低的滑梯。     其他設施仲有親子鞦韆，多款氹氹轉和健身設備等，有好多野玩，放電一流！   ———————————————————————— ［INFO］ 地址：葵芳新都會廣場 L5空中花園 (葵芳站E出口 ~ 經行人天橋過/ D出口 ~ 經路面過) 開放時間： 2019年12月2日 - 2020年1月2日 ———————————————————— 歡迎連絡安妮媽媽：annie_mama@yahoo.com.hk Facebook專頁： 安妮媽媽親子日記 IG: @Annie_mama_diary | 安妮媽媽親子日記