繼續party food系列~~ 天氣涼涼地, 我地整返個熱ge小食吖~ 就係焗蘑菇呀~!! 今次我地焗青醬蘑菇同埋茄醬蘑菇, 紅紅綠綠配埋一齊, 好有聖誕氣氛ga呢~   材料: 白蘑菇 16個 Basil 40克 松子仁 1湯匙 蒜頭 1瓣 橄欖油 2湯匙 蕃茄 1個 鹽 1小撮 黑椒 1小撮 mozzarella cheese碎 4湯匙   教學片段: https://www.facebook.com/cookingmama.ilovemama/videos/2624229337660812/   做法: 1. 白蘑菇用濕廚紙抹乾淨表面灰塵後去蹄備用 2. Basil 去莖後洗淨晾乾 3. 松子仁白鑊烘香 4. 蒜頭及蘑菇蹄分別切碎 5. 將Basil, 松子仁, 蒜蓉, 蘑菇蹄放入攪拌器內, 加入橄欖油拌勻打碎, 加入Mozzarella cheese碎, 鹽及黑椒, 作為青醬備用 6. 蕃茄切粒後加入蘑菇蹄炒熟, 隔去水份, 作為蕃茄醬備用 7. 預熱焗爐200度 8. 蘑菇分別釀入青醬及蕃茄醬 9. 灑上芝士碎後, 放入焗爐, 200度焗9分鐘即完成   未出爐已經聞到香噴噴喇~!! 出爐之後攤涼小小, 米豬就忍唔住要開動喇~! 我要食Mushroom!!! 眾多蔬果之中, 米豬偏愛菇類, 差唔多日日都叫我煮, 但我梗係唔會日日煮啦~! 好濕ga!! 開心到係咁yeah~~   煮食小貼士: 1. 盡量揀差唔多大細ge蘑菇, 出嚟效果會靚D 2. 用啡菇都得ga~~ 3. 青醬用唔晒可以放入玻璃樽, 加油至蓋過表面就OK, 但都要盡快食用啊~ 4. 茄醬可以加小小肉碎炒, 補充蛋白質   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~   https://www.facebook.com/NereusYu/