屯門公園共融遊樂場啟用左一段時間，之前已經拍左片介紹過。二歲嘅細寶再去玩又有另一番體會，今次就用文字記錄多次啦。呢個遊樂場真係好適合放電。無障礙、創新、適合年齡由1歲至中學生，連傷健小朋友都可以玩。    遊樂場分左2邊   先講左入口北邊。 音樂感官 ： 有不同嘅敲擊管同鼓，刺激小朋友音樂細胞   山丘地帶 ： 有彈床同平衡轉盤，練習彈力同平衡感    光影荷花 ： 嬉水平台，至受小朋友歡迎！（溫馨提示，記住帶多套衫更換)    南邊更熱鬧 一行入去就有一條超大型滑梯，實不相瞞，細寶媽上到去都有啲驚。      之後就有不同類型嘅滑涕，細寶今次真係玩返夠本。    氹氹轉亦有2款。      另一個位係必須帶衫更換嘅就係沙池啦，好似愈污糟嘅小朋友就玩得愈興奮。    最後鞦韆區，有各種不同型式嘅韆鞦，每次都大排長龍嫁。      最後係到玩左1小時，成功將大人小朋友嘅電都放晒啦。玩到面珠都紅卜卜！   大家有興趣嘅可以睇返之前拍左嘅片介紹。https://youtu.be/E94GCKXUVG4 嚟緊下一篇會介紹爬蟲館，大家多多支持啦！ ••••••••••••••••••••••••••••••••••••••••••••••• Follow 我地嘅FB同IG會有更多資訊嫁！ * Facebook : https://www.facebook.com/Miss80Sss/ * IG:  http://www.instagram.com/80sssxsaipo * YouTube channel : https://www.youtube.com/channel/UCdbVgDoTNb4FG9_HBYWSIPg