小試牛刀第一篇blog，記錄韻韻bb成長作為日後一個回憶，希望可以keep住寫落去，目標一星期最少一篇。 早前抽中左 @小達人樂園Little master gym送出嘅一大一小全日入場卷，上星期我地帶左韻韻去人生第一次playhouse，玩得好開心呀。 小達人樂園little master gym位於大角咀，鄰近大角咀消防局，交通好方便，以城堡作外觀又好易搵易認。媽媽由於係護士所以對環境衛生特別在意，小達人樂園設有空氣消毒噴霧機，入場前職員亦有提醒家長同小朋友消毒雙手，所以媽媽都好放心比韻韻入去玩！ 小達人樂園地方唔算大，但要有嘅都有，例如繩網、滑梯、彈床、障礙物、波波池。亦有小量玩具如廚房仔、拋圈、隧道仔比小朋友玩。 我地連埋中間食奶換片都玩左2個鐘呀，臨走個時仲見到職員吸塵清潔場地，個清潔時間唔係假架 我地玩個日仲見到有人book房開party, 睇過價錢都ok，而且最少10大10小就可以book房添呀，第時生日會都可以考慮下。 ------------------------------------------------------------------------------------------------------------ 如有任何問題或合作，歡迎聯絡: renee_mama@yahoo.com 或facebook inbox至https://www.facebook.com/Reneebblife/