Peggy媽媽發現好多媽媽都會問： ⭐️BB無牙/未出牙點咬野食？ ⭐️BB無牙/未出牙可以食d咩？係咪淨係食得糊仔/粥仔？ 其實BB唔係無牙，只係未出牙，牙仔已經藏曬係牙肉等出黎，所以係有足夠力量用牙齦磨爛同咀嚼食物。 所以BB無牙同老人家無牙係唔同，老人家已經無牙去支撐牙肉，牙齦無力，所以只可以梅食物而難以咀嚼。 如果唔信可以俾隻手指BB咬（當然係要乾淨手指），相信你會被咬得好痛。 所以就算BB未出牙，都可以食不同種類既食物，但要按返BB既咀嚼程度去添加。 ⭐️由於柏宇仔7個月已經出牙仔，所以做無牙佬食野既時期都好短，但初期加固未有牙既時間已經可以咬西蘭花咬得乾淨。 ⭐️另外咀嚼固體食物對BB黎講係好重要，因為如果BB抗拒咀嚼食物，會導致口部肌肉缺乏足夠運動，使口部肌肉發展遲緩，咬字能力弱，而且唔鐘意說話。 因此就算BB係行TW(傳統餵食)，即使到左8個月BB都未出牙，根據健康院指引都要為BB添加手指食物同埋改善食物質感，等BB學習自己拎野食同學習咀嚼，唔可以因爲BB唔鐘意就一直只食糊狀/蓉狀食物。   ************************** - Peggy媽媽與柏宇仔 - 90後全職媽媽，全職照顧柏宇仔，分享BLW、幼兒食譜、親子活動好去處、小手工、Ｍessy Play資訊。 想緊貼最新資訊,可以Like埋我既FACEBOOK啦! FB專頁:  https://www.facebook.com/PakyuBLWbb/ Instagram : http://www.instagram.com/ching_peggy/