活用米糊方法 之前都同大家分享過活用果蓉/肉蓉，今次就分享下米糊。 米糊又係另一種令BLW媽媽非常頭痛既食物，Peggy媽媽係柏宇仔未加固之前就買落左一堆米糊，結果一盒都未食過，所以又要搵方法去消滅佢。 方法一：米糊pancake 材料： 1。香蕉 1隻 2。米糊粉 1湯匙 3。蛋 1隻 做法： 1。先將香蕉壓爛，蛋打發備用。 2。將香蕉蓉、蛋液、米糊粉混合，之後就可以用慢火煎熟即可。 ⭐️另外可以將食譜改成： 。米糊粉+蛋+少量水+麵粉(加：會實身d，唔加：會軟身d） 方法二：意粉/通粉汁 材料： 1。蔬菜（自選） 適量 2。米糊粉 適量 3。水 適量 做法： 1。先將蔬菜蒸/烚熟，再加適量水打成蔬菜蓉。 2。將米糊粉加入蔬菜蓉中，調節稀杰度變成蔬菜米糊即可。 ⭐️可以將蔬菜米糊用來撈意粉/通粉，又簡單又有營養。 ⭐️將米糊粉代替麵粉用 方法三：加入食物中添加營養 1。整肉丸時可以將少量米糊加入。 2。整餅類，例如薯仔牛肉餅、三文魚蛋餅等等都可以將少量米糊粉加入。 方法四：教小朋友用餐具 將米糊開到適當稀杰度就可以俾bb自己試畢，又或可以用preload spoon 教佢。 方法五：整甜品同三文治 可以參考美素奶米粉食： https://www.friso.com.hk/…/cereal-landing-page/cereal-page-5 ************************** - Peggy媽媽與柏宇仔 - 90後全職媽媽，全職照顧柏宇仔，分享BLW、幼兒食譜、親子活動好去處、小手工、Ｍessy Play資訊。 想緊貼最新資訊,可以Like埋我既FACEBOOK啦! FB專頁:  https://www.facebook.com/PakyuBLWbb/ Instagram : http://www.instagram.com/ching_peggy/