BLW食譜：白汁三文魚釀長通粉 做法花d時間同心機，但BB都可以食西餐 另外只要將個白汁轉一轉成大人版，就可以親子共食啦! 三文魚釀通粉材料： 1。三文魚 1塊 2。長通粉 BB食用分量 BB白汁材料：（因bb口味自行調節） 1。奶粉 適量 2。芝士 適量（可以不加） 3。麵粉 適量 4。熱水 適量 做法： 1。先將長通粉烚熟，三文魚切條備用。 2。將三文魚條釀入長通粉。 3。將已釀好既三文魚長通粉落鑊蒸10分鐘至三文魚熟透，之後取出備用。 4。將奶粉用熱水開溶，倒鑊中加入芝士煮成白汁。 5。用熱水先將麵粉開溶，逐少逐少加入白汁埋芡。 6。將三文魚釀長通粉回鑊，撈勻，便完成。 ⭐️可以用比較寬口既長通粉會容易d釀 ⭐️釀入生三文魚再蒸熟，等長通粉可以吸收三文魚味 ⭐️ 多餘既熟三文魚可以壓爛加入鑊中一同煮汁或者直接食用 ⭐️奶粉通常會平平地買定一罐試用裝用黎整煮食用（咩牌子都冇所謂） ************************** - Peggy媽媽與柏宇仔 - 90後全職媽媽，全職照顧柏宇仔，分享BLW、幼兒食譜、親子活動好去處、小手工、Ｍessy Play資訊。 想緊貼最新資訊,可以Like埋我既FACEBOOK啦! FB專頁:  https://www.facebook.com/PakyuBLWbb/ Instagram : http://www.instagram.com/ching_peggy/