【 安妮媽媽懷孕日記繪本 】｜【 下集 】 畫畫可以放鬆心情，所以懷有Aidan時就畫了這本繪本，想隨心記錄一下孕期的感覺，第時可以回味下。 分享給大家，唔知靚媽們有無同感呢！ 孕婦的口味真係變得好快又好奇怪，在15週的某一個深夜，突然好想好想飲羅宋湯，食肉醬意粉！但咁夜食呢d，實在太有罪惡感了，結果忍到第二日中午即刻衝去餐廳食食食，果種滿足感真係難以形容！ 孕期中，我完全接受唔到孕婦奶粉和鮮牛奶的味道，一飲就反胃！試左好多隻牌子，終於有盒係入到口，但無奈屋企附近幾間超級市場成日都無貨，老公每日收工就去幫我行晒咁多間搵牛奶，買到果日佢會好開心，哈哈，傻爸爸！ 但……飲左幾個星期後，我先發現原來我的腸胃對鮮奶過敏，唔怪得我每次飲完都會肚痛，有時仲會痛到行唔到，無奈又要放棄飲奶，改食其他高鈣的食物。 就是想哭呢！ 孕期的情緒真係好難控制，辛苦老公了…… 當從醫生口中得知肚中係仔仔時，最開心最大反應的係婆婆，笑到見牙唔見眼，哈哈哈哈~~~~ 都唔明點解其他孕婦個肚可以咁靚，而我就生到成肚都係毛毛，成個奇異果咁，激死我…… 踏入孕期的第6個月，我對腳每晚都會好麻痺和無故抽筋。 老公每晚都會幫我用果薑油按摩雙腳，一邊聽住音樂，一邊傾下計，真係好舒服好享受，多謝老公！ 肚子漸漸脹大，最困難的事就係著鞋，著襪和剪腳甲，完全係高難道動作！ 第一次感受到胎動是在16週5日，肚子裡微微的跳動真係好奇妙，感覺好實在好感動，每天都期待著BB的郁動！ 每晚係BB不停郁動時，爸爸就會同佢講故事！爸爸特登揀左本寓言故事書，希望透過故事的情節讓BB知道，要做個善良和有責任感的人！ BB，你的東西全部都係小小的，超級可愛呀！ 一日食足6餐，好似食極都唔夠飽咁！ 懷孕後不停加入大大小小的媽媽會，除左係想知道BB產品的最新優惠外，更吸引的係可以聽免費產前講座和超級豐富的入會禮物！雖然拎左番黎唔知用唔用得著，但婆仔心態就係唔放過可以拎任何免費贈品的機會，哈哈！ 成個孕期都訓得唔好，晚晚醒幾次要去廁所，之後就訓唔番，嚴重失眠！ 去到懷孕的中後期，每次出街都要好留意廁所的位置，因為真係好重要！ 剛開始非常享受胎動的感覺，但隨著BB在肚子裡漸漸長大，佢的力大到可以踢到我大叫和標眼水！老公見到肚皮的起落幅度都話好誇張，仲大讚仔仔好腳力囉！ 踏入孕晚期，開始為BB佈置小床和洗衣服，辛苦爸爸和外婆了！ 懷胎數月，好多謝上天賜我一個咁珍貴的人生經歷！由現在開始我倆的世界將會變得更美好，更幸福。多謝你，我親愛的孩子，多謝你的到來，多謝你選擇了我們做你的父母！ 你不需要跑贏別人，爸媽只希望你能夠健康幸福快樂，在一個充滿愛和溫暖的環境中成長就可以了，我愛你！   希望大家會喜歡安妮媽媽畫的小繪本啦！ 二寶懷孕繪本係Facebook專頁都開始有喇~~~   【 安妮媽媽懷孕日記繪本 】｜【 上集 】 ———————————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記