每到新年都忙住蒸糕, 四色糕必整之餘, 每年都想搞下新意思, 試下整新野. 今年就試左個紫著薯椰汁千層糕. 然後用雪花模做型, 成品真係好靚, 仲食到啖啖紫薯味, 又唔會太甜, 係另類年糕之選呀. 材料: (約10個雪花或2底方型微波爐盒分量)  紫薯漿~  紫薯(壓茸)      150g 砂糖                  80g  水                    120g  椰漿                130g 木薯粉            100g 糯米粉              20g   椰汁層~ 砂糖                100g  水                      60g  椰漿                200g 木薯粉            130g 糯米粉              10g 1. 先做紫薯層 紫薯去皮蒸熟壓茸, 然後加入椰漿, 水, 砂糖混合拌勻 2. 拌勻至幼滑, 如紫薯粒太大, 可以攪拌機打至滑身 3. 加入糯米粉和木薯粉, 攪拌至無粉粒為止. 椰汁層做法一樣, 混合至無分粒備用 (記得分開兩盤)  4. 模具先掃一層油, 以湯匙取一匙倒入模內 (任何顏色都可以) , 隔水大火蒸4分鐘 5. 然後加第二層(用另一隻色粉漿), 再蒸2-3分鐘. 再加第3, 4, 5層...至合適的層數和厚度為止. 最後一層加入後, 蓋15分鐘便完成. 放涼後可倒扣上碟和食用.  椰汁紫薯千層糕十分軟熟, 層次分明, 因為甜度稍稍減了, 吃下紫薯味都幾突出, 如果一日內食唔完, 記得放雪櫃.  QB都好喜歡食呀, 味道隨喜好配搭就得, 可以加黃色蕃薯, 南瓜, 綠茶粉, 做出想要既顏色和味道架.  小貼士:  - 紫薯層一定要打至滑身, 可用攪拌機或打蛋器輔助 - 每一層的分量要一致, 做出來的千層糕才會平均和漂亮 - 每層不能太厚或太薄, 否則千層效果會不明顯, 約1cm厚一層便足夠 - 加粉漿時記得要保持模具乾淨, 不要沾污, 否則蒸出來的糕就唔靚啦.    聯絡合作和活動: email: sherice_hy@yahoo.com.hk Facebook: Mini Bubble Corner ❤Blogspot❤ ❤The Ztyle❤ ❤She.com❤ ❤wordpress❤ ❤weshare❤ ❤Pixnet❤ ❤Beauty Exchange❤ ❤mamibuy❤ ❤Oh!爸媽❤ ❤ 親子日常❤ ❤sundaykiss❤ ❤esdlife❤ ❤chef-diary❤ ❤cook1cook❤ ❤OpenRice❤