新春就到，以往去拜年大人就話可以打下麻雀、玩大小/魚蝦蟹，小朋友就聚埋睇舊賀歲電影，有時都幾悶...為令拜年過得更有意義，我就準備集體遊戲教材，比小朋友有得玩之餘，仲學到野!   1) 新春賀詞碰碰車 拜年逗利是識講賀詞，逗得長輩更高興，但係好多小朋友來來去去都係識得嗰兩三句，有見及此，我就自製左賀詞字卡 >>玩法: 將正確字卡拼成一句賀詞 例：［恭喜］拼［發財］ 好處：認識賀詞意思、認識中文字 適合年齡：K2 + 2) 新春賀詞大配對 一套字卡兩用，玩完碰碰車後，可以玩埋大配對! >>玩法: 分兩隊人，將所有字卡反背，每隊逐次揭開字卡，直至成功拼湊一句賀詞為止，看那一隊湊得最多字卡為之勝利 好處：加強認識中文字、考考記憶力 適合年齡：K2 + 3) 12生肖逐個估 記得超級無敵獎門人有個遊戲叫大電視，參加者鬥快估中電視機所指出物件，今次我呢個遊戲都係咁! 我就準備左12生肖A4紙卡。 >>玩法: 分兩隊人，隊員按紙卡上顯示生肖作動作，唔可以發聲，直至隊員估中生肖為止，最快估中12生肖隊伍為之勝利 好處：考考邏輯思維、加強肢體動作表達能力 適合年齡：K1 + 4) 12生肖夾手足 類似顏色圓點扭扭樂，考下團隊合作能力!  >>玩法: 分兩隊，將大12生肖放地上，隊員抽出細生肖字卡及掂大生肖字卡之部位，直至所有隊員同時成功掂到抽出大生肖字卡為之勝利 好處：加強肢體運動、手腳協調、團隊合作能力 適合年齡：K1 + **如果想更刺激，或者比大童玩，可以加強遊戲難度。 想要教材，請到 《鯨魚‧蝦子媽咪親子log》Facebook  更多親子分享，請Like & Follow 鯨魚家姐‧蝦子細佬Facebook 同IG啦!