【 安妮媽媽的懷孕日記 @ 早孕期QE產檢分享】 *QE排期（ 5w ） 係私家醫生拎到懷孕證明後就可以去政府醫院登記排期。 *政府醫院多數都不接納跨區生BB。而公務員、醫管局員工及其家屬，可以排QE、威院和瑪麗醫院。 上一胎我係伊利沙伯醫院分娩，所以今胎都決定揀番QE。 而且QE係「愛嬰醫院」，十分支持母乳餵哺，我上胎生完之後都得到好大幫助，姑娘會好細心教我點親餵，同提供好多母乳餵哺的資訊給我。 QE公務員或家屬婦產科登記處係L座1樓，可fax或親身前往登記。 登記要準備身份證，住址證明，懷孕證明和老公的身份證副本。 *第一次登記會拎到兩個期。 10W左右見助產士和26W左右見醫生，至於唐氏和糖水期，會喺第一次見姑娘時再睇下有無期，有期先會俾。 上胎有期可以排到結構，但今次去職員已經通知一定無，除非係高危人士或貧血產婦，如果唔係唔會俾，話因為政府cut醫院的資源，唉。   ========================== *第一次見助產士（ 9w3d） 約左10點15分，等左半個鐘就可以入房見助產士，姑娘會先問症，又俾左一d問卷要填，仲有一本簿要睇，入面係介紹驗血的內容，唐氏等等。。。 今胎排到唐氏期，但姑娘話我上胎無咩大問題，唔係高齡產婦又無家族遺傳，所以連糖水期都唔俾我，又話係政府資源唔夠喎。。。 另外姑娘提醒因為要到26週先見醫生，所以中間的時間要自己去私家產檢。 最後去C座拎籌抽血，共4枝，驗地中海貧血，乙型肝炎，德國麻疹，梅毒等。 抽完就走得。   ========================== * 早期唐氏綜合症篩查（ 11w4d） 11週時番QE 做早期唐氏篩查嘅檢查。 首先去E座一樓繳費處登記，之後再去B座3樓婦產科。 自己推門行去護士站登記，首先要填一份簡單問卷，內容大概係問最近有無唔舒服，有無外遊等等。 再簽埋一份關於唐氏篩查測試的同意書就等入房照超聲波。 照完超聲波，再要去抽血，之後就走得。 **政府的早孕期產檢就到此為止，要到26w先再番黎見醫生。 ———————————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記