對於已經流產兩次的臭臭媽，每一次產檢都真係好緊張，但好開心臭臭B一路好乖好聽話，不知不覺已經12周了。 產檢登記的時候，姑娘已經問定我想做T21 定係Niffy，鑒於上次做Niffy冇check到BB染色體問題，我就選擇左T21。跟住姑娘解釋話雖然一般4-5日出report,但因為準備新年假（我檢查果日係年二十七），所以點都要等過年後才會知道結果。 見醫生的時候，第一句就問，想唔想知係仔定女？我覺得好驚奇，唔係要等T21報告先知咩？醫生笑笑口話，12周可以照到噶啦！ 肚皮擦完啫喱，個儀器一擺上肚，醫生就即刻講；“係仔喔！” （真係不愧你收咁貴，真係好快手啊！） 然後醫生放大個“池菇椗”俾我睇，真係好鬼得意啊！原來臭臭B係個仔仔啊！ 回想起第一次產檢，係第五周，個醫生都真係好快手，一照就好清楚睇到心跳，同埋唔洗照陰超，只是普通B超就已經在第五周睇到心跳！ 也許這就是一分錢一分貨的意思吧， 之前睇600蚊一次的醫生，在12周前的產前都係陰超，真係好唔舒服。但今次，為了可以成功見到臭臭B，為了求個安心，我選擇左一個2600蚊第一次的醫生，銀包雖然好痛，但真心覺得好安心。 anyway，年初七果日收到T21的電話報告，一切正常，好開心又好緊張地等待著下一次產檢與臭臭B見面。 願各位媽媽一起加油！