呢排天氣又凍又乾燥，搞到喉嚨好乾涸，半夜仲要乾到醒， 所以最近成日煲蘋果雪梨水俾小菜苗飲， 不過忙照顧小朋友，同時都要顧下一班大人， 燉返個一家大細都飲嘅滋潤湯水先。 海底椰無花果燉豬展 食譜   材料: 海底椰乾半碗、無花果3隻、雪耳1/4朵、豬展200g 1. 豬展汆水，雪耳浸洗後切去中間黃色部份再撕開，無花果及海底椰乾洗淨備用。 2. 將所有材料放入燉盅，加1.5至2碗水。 3. 於蒸燉寶中加入適量水至界線，放入燉盅，以養顏燉功能燉煮2小時即可。 更多食譜及育兒日常分享，歡迎like: Facebook：芙芙little kitchen IG: fufu_littlekitchen   蒸燉寶燉壺嘅雙層防熨設計，每次燉完湯成個燉壺拎起， 佢耳仔位置一啲都唔辣手，都只係少少暖， 唔怕辣親，係好細心嘅設計。 雖然呢個迷你蒸燉寶每次只係燉到1-2人份量，但燉出嚟嘅味道非常清甜（上次燉竹絲雞都好鮮甜）， 有時放假芙芙都會燉多一兩轉，預埋其他人飲，試過嘅朋友一家都讚好味架！