小菜苗初初加固到1歲半時都好喜歡食西蘭花、菠菜同菜心， 當時我心諗，太好啦，阿女鍾意食菜，第時唔駛怕偏食啦， 點知到而家2歲幾，連至愛嘅西蘭花都唔好， 始終菜類嘅纖維高，唔食就會好易便秘，寶寶們一便秘我哋做媽媽嘅就會好苦惱， 於是我決定將菜打碎做個濃湯，唔駛咬嘅情況下應該肯食啦掛。 西蘭花濃湯 食譜   材料: 西蘭花2個、薯仔0.5個、蒜頭半個、蔬菜高湯500ml、水500ml、鮮忌廉80ml、鹽及黑椒適量   1. 西蘭花切小塊洗淨，薯仔去皮切小粒，蒜頭去皮切成蓉備用。 2. 於鍋中爆香蒜蓉，放入西蘭花及薯仔粒炒一會。 3. 倒入蔬菜高湯及水，煮至西蘭花熟透後關火。 4. 於湯中取出西蘭花及薯仔，放入攪拌機中攪碎，再倒回湯中。 (或用手提攪拌棒直接於鍋中攪碎蔬菜) 4. 開火加熱至濃湯煮滾，倒入淡忌廉、鹽及黑椒拌勻即可。   **更多簡易食譜、小菜苗與菜蜜妹妹生活日誌** ↓歡迎 Follow and like ↓ Facebook：芙芙little kitchen IG: fufu_littlekitchen   西蘭花要煮至軟身，才可攪拌。 加少少湯與蔬菜一同攪拌，可更快將材料攪碎。 這次加嘅忌廉份量，會令濃湯奶味較重， 如不喜歡奶味，可將忌廉份量減少。 因為纖維太多，喝多兩口就會感到飽肚呢。 測試結果係小菜苗肯飲，仲飲到要添呀。