樂天皇朝可說是我的飯堂之一，一個月最少來2-3次，次次阿囝都食都lam lam脷，佢就最中意食原味小籠包，真係皮薄多汁，次次都會點呢味來食！     今日我同老公去樂天皇朝撐枱腳，既然小朋友不在就可以試下小朋友唔食嘅餸菜！     皇朝小籠包　$118/8粒 呢個皇朝小籠包一共有八隻唔同嘅口味： 原味 人參 鵝肝 黑松露 芝士 蟹粉 蒜香 麻辣     我自己最中意係黑松露，真係好香好夾小籠包；芝士味都好香濃啊！每個口味都吃得出其味道，真係粒粒驚喜！最唔中意係人參，因為苦苦地，有少少接受唔到，但我都食哂成粒架！       香辣蒜泥白肉　$75   唔太辣，蒜泥很棉幼，白肉卷著青瓜絲，造功細緻，稍為凍左少少，整體很好吃。         清燉雞湯 $62   湯底清甜，啖啖鮮雞味，好喝啊！       白灼秋葵 $65   條條秋葵都漲卜卜，咬下又爽甜，不錯啊！另外也推介蒜茸炒菠菜，師傅炒得很嫩，又夠香，差唔多次次都點～       京醬肉絲配薄餅 $90   肉絲多醬汁，淨吃稍鹹，配薄餅吃就會剛剛好，份量也不少。         上海炒飯 $85   我很喜歡吃樂天皇朝的炒飯，吃過幾款炒飯都喜歡，師傅炒得粒粒飯均勻，香口又惹味，雖然肚子滿滿，都忍不住多吃幾口上海炒飯：）       宮廷驢打滾 $45 看名字不知是什麼，原來是紅豆糯米卷，咬下超煙韌，不太甜，喜歡的。           總結： 樂天皇朝常常吃也不厭，還有很多菜式還未試，可以常來。 次次來都覺得服務很好，待應有禮，上菜快，感覺愉快。   晚餐時段平日來易有位，但都九成滿；周未就很多人來吃，要早些來排隊取票，是東薈城最旺的食肆之一。       樂天皇朝 東涌達東路20號東薈城名店倉3樓326A號舖