雖然今年因為要防疫，唔方便周圍去， 但可以暫做全職媽媽一陣，芙芙已經好滿足， 加上搬咗去近娘家嘅新居， 前排都係以大冒險嘅方式生活，每日都會到樓下認下路， 加上日日湊女都好充實， 希望疫情可以快啲停止，大家可以出返街吸啖新鮮空氣。 每到放假，芙芙都會自己煮午餐， 不過湊住小朋友煮嘢一定要快， 而呢款炒麵只需三個步驟就可以煮好，岩哂媽媽們快煮快食呀。 豉油王炒麵  食譜 材料：蛋麵2餅、芽菜$2、蔥段1碗 醬汁: 醬油3湯匙、老抽3湯匙、糖1茶匙、五香粉1茶匙 1. 蛋麵放入滾水中煮散，盛起沖水過冷河，盛乾備用。 2. 燒熱油炒熟芽菜盛起，於鍋中加油，放入蛋麵炒熱，再倒入醬料炒勻。 3. 倒入芽菜、蔥段及麻油炒勻盛起，最後撒上芝麻即可。 ----------------------------------------------------------------------- **更多簡易食譜、小菜苗與菜蜜妹妹生活日誌** ↓歡迎 Follow and like ↓ Facebook：芙芙little kitchen IG: fufu_littlekitchen ----------------------------------------------------------------------- 味道真係同粥鋪嘅一樣，配碗皮蛋瘦肉粥仲正呀。