自從家中有了廚師機，成日都心思思想整麵包， 不過自問始終係烘焙初哥，不宜向難度挑戰， 都係先整啲基本款式，多加磨練磨練下先。 前排奶奶同姑仔去泰國旅行，買咗包大大包嘅肉鬆俾我哋， 就咁食又好似太放肆，當時剛剛好收到美的品牌送嚟嘅廚師機， 立即就地取材，試下自己整肉鬆麵包先。 肉鬆麵包 食譜   材料:  高筋粉280g、牛奶150ml、奶粉10g、蛋液30g、酵母3g、 糖15g、鹽3g、牛油20g、肉鬆適量、蛋液適量(抹包面用)   做法： 1. 將高筋粉、奶粉、蛋液、酵母、糖及鹽倒入廚師機料理盤中。 2. 先倒一半牛奶以1檔揉搓，逐少加入牛奶至麵團成形。 3. 倒入室溫牛油粒，以3檔揉搓至擴展階段。 4. 取出麵團搓圓後，放入麵盆中蓋上濕毛巾，發酵1小時。 5. 將麵團分成9份 (約55g一份)，排氣後再醒15分鐘。 6. 將麵團碌成隋圓形，中間以下位置????4條直線。 7. 將肉鬆放於上半部，然後由上而下卷好。 8. 放於烤盤上二次發酵至1倍大少，搽上蛋液，以180度烤20分鐘即可。   **更多簡易食譜、小菜苗與菜蜜妹妹生活日誌** Facebook：芙芙little kitchen IG: fufu_littlekitchen   呢部廚師機可承受嘅麵團份量唔多，今次芙芙大貪咗少少， 如果將份量減少1/3，就可以用到4-5檔去揉麵團，可以快點揉好。 因為麵團重了點，揉到擴展階段都收貨啦。 將麵團碌成隋圓形，中間以下位置????4條直線，將肉鬆放於上半部。 然後由上而下卷好。 小菜苗真係好喜歡搓包，每次整包佢都好開心。 等麵包發多一次到雙倍大，就可以掃蛋液啦。 話咁快就有新鮮自家製麵包食，有廚師機真係好方便呀！ 美的多功能食物料理廚師機 <產品試用> 介紹請看： https://fufulittlekitchen.blogspot.com/2019/12/blog-post_20.html