各樣bb產品當中，揹帶可以話係其中一樣最重要嘅野！若然好似晞晞唔太中意坐bb車/只肯坐一段好小嘅時間，咁就更顯得揹帶嘅重要性！ 由軒軒到依家晞晞，接近兩年半，我地分別用過四款不同牌子嘅揹帶 以下分享全屬個人真正用後感         Naforye baby多功能嬰兒揹巾： 台灣品牌 呢款揹帶初生已經適用，產品介紹0-3個月採用橫抱式揹法。不過我自己覺得橫抱式揹法不太好揹，因為佢墊住bb塊板係硬身，變相揹出黎好大舊野，同埋只能一邊膊頭上帶，揹得耐一定好攰。 到三個月後就可以採用一般打直嘅揹法，可以兩邊膊頭都上哂帶，但我地呢款係無hipseat，因此借助唔到腰力，只能靠自己膊頭，揹一陣已經好攰了         某不知名台灣還是大陸牌子： 會買其實係因為Naforye baby實在揹得太辛苦，而又見到呢條價錢超平就買黎一試。 因為有hipseat，可以借助埋腰力，揹得舒服左。 佢膊頭條帶比i-angel個啲還要薄， 最弊之處係揹帶連接hipseat個兩粒扣鈕，係我地用左一段小小日子之後已經 一扣好快自己鬆番開，變相揹帶同hipseat分拆開成兩部份 揹帶前方有個袋可以袋下野         Todbi 3D透氣坐墊式揹帶： 韓國品牌 揹帶界其中一大熱品牌，有不同型號嘅揹帶，我呢款係最平個隻。 揹帶前方有一小袋，仲有個 拉鍊位 ，等天熱時可以拉落黎透氣啲。腰帶都有個 豹紋小袋仔 可以袋下 八達通、 鎖匙、 散銀。 揹帶拎上手唔算太重，背部個扣可以輕易就自己扣得到。 晞晞依家六個月有7kg，出街揹足佢成日，條揹帶都無話點下墜，而且我自己都唔算攰。 加上係啡色呢條係我最中意嘅揹帶       I-angel Denim 四季型腰櫈揹帶： 韓國製造 呢個牌子係媽媽界 無人不曉，我呢個款都係屬於平價啲嘅款， 深藍色 同樣令我中意 一樣hip seat位有個小袋子，揹帶前方同樣有兩格，而呢兩格有條 拉鍊連住落揹帶度， 唔需要用或者天氣太熱想透氣啲， 就可以除咗呢層出嚟。 另外仲有擋風頭巾跟埋， 我覺得呢樣嘢幾好用， 當bb瞓咗覺嘅時候可以遮一遮佢， 大風或者凍又可以即刻遮住 近期我仲發覺當我食緊嘢嘅時候而bb瞓咗覺， 用埋呢個擋風頭巾就唔怕啲嘢食滴倒落bb個頭度 比起todbi，呢條揹帶細條小小輕身小小，呢條成為我嘅no.2 喜愛。 唯一缺點：呢條揹帶後面個扣位我自己好難扣到對比番todbi我就可以輕鬆扣到       以上為個人用後感  #沒有最好#只有最合適 一條真正好用岩自己嘅揹帶，一定要試過用過先最真！                 產品試用/活動邀請/其他合作 歡迎聯絡：tanleesharon2004@yahoo.com.hk 謝謝 Fb: [http://www.facebook.com/leessssfamily]