一路睇條片，一路懷念番無帶口罩嘅日子，小朋友玩得開心自在，真係好希望疫情快啲過，大家都要身體健康呀！   講番正題，元朗大棠有機生態園真係好大好大，究竟佢哋cp值係幾多呢？其實一日係玩唔晒所有野： -有好多動物（鴕鳥、孔雀、野豬、馬騮等）及餵動物(馬、羊、魚和兔仔) -騎馬 -繩網及鞦韆 -燒嘢食 -兒童遊戲車 -充氣彈床 -撈魚仔 -DIY手作 -摘生果（按季節有不同蔬果如：有機香印提子、士多啤梨、菠蘿、粟米、蔬菜等   不過價錢就有少少離地⋯停車場費全日80蚊，入場費每人係50蚊，三歲免入場費 另外加80蚊買自選活動套票有四格 收費活動平均需要一至兩格嘅飛 而摘士多啤梨嘅收費係80蚊一個人，場內任摘任食，但係如果要拎走就要另外俾100蚊1磅！   總括嚟講，呢個地方啱晒小朋友放電，款式多地方大！不過價錢就因人而異喇！   大棠有機生態園 地點：香港新界元朗大棠山道十一號 網址：http://ttlv.hk 電話： 生態園:2470 2201 / 2473 3818 開放時間：9:00am-6:00pm 活動項目時間：10:00am-5:30pm 騎馬時間：10:00am-12:00pm / 2:00pm-5:30pm (星期一休息,假期除外)