波包都唔知有幾多日無出過街喇，買定一大堆野喺屋企，日日喺屋企諗啲新野同佢地玩，而今日就玩親子下廚！   上次元宵節整湯丸用剩咗啲芝麻粉，咁就簡簡單單整咗芝麻菲林卷俾佢地食啦！做法仲好簡單，小朋友都整到呀！   材料: 黑芝麻粉80g 粘米粉80g 馬蹄粉40g 冰糖90g 水 350g   做法： -冰糖放入水煮溶後，待涼備用 -黑芝麻粉、粘米粉、馬蹄粉攪拌均勻後加入冰糖水 -倒適量的黑芝麻粉漿入長方形蒸盤 -水滾後大火蒸3-4分鐘 -取出後，待2分鐘後即可卷成菲林狀