點解會整肉醬意粉呢? 因為我整咗德國咸豬手........ 但咸豬手唔襯飯, 就要煮個西式main cause襯返佢, 望吓屋企有限ge食材, 肉醬意粉就係最快靚正ge選擇~~   做乜忽然間食德國咸豬手? 想食囉~ 同埋有野想慶祝呀~~ 我地上網買ge 口 罩 終 於 收 到 喇~!!!!!! 夾咗幾家人買, 一人要D, 但一見到拆出嚟0個吓, 我終於脫貧喇~ v^0^v   請准許我炫富一下~   炫富完畢~ 送大家肉醬意粉食譜~   材料: 意粉 300g (3人份) 蕃茄 2個 洋蔥 半個 蒜頭 3瓣 菇 1包 免治豬肉 400g 牛油 10g 茄膏 2湯匙 上湯/水 150ml 芝士碎 5湯匙   造法: 1. 蒜頭, 洋蔥切碎 2. 蕃茄洗淨後响底界十字, 放入滾水煮1分鐘後沖凍水冷卻, 去皮後切粒 3. 免治肉用1茶匙鹽+2茶匙粟粉醃好備用 4. 意粉按包裝指示減2分鐘煮熟, 瀝乾水後撈oliver oil放焗盤備用 5. 燒熱鑊, 煮溶牛油後落蒜蓉及洋蔥碎, 炒至半熟, 預熱焗爈220度  6. 加入免治豬肉, 撥散嚟炒熟  7. 豬肉炒熟後, 加入菇, 炒至出水  8. 加入蕃茄粒, 炒勻, 再加入茄膏及上湯, 炒至杰身  9. 將肉醬放意粉上, 加芝士  10. 放入220度焗爐焗7分鐘, 食得  同場加影我好想食ge德國咸豬手 地球人已經阻止唔到我食德國咸豬手XD   煮食小貼士: 1. 肉碎可以用豬, 牛, 雞都得, 你鐘意食邊樣就食邊樣啦 2. 意粉唔駛煮到全熟, 因為肉醬+芝士焗都會再煮一煮D意粉, 所以記得唔好烚到全熟呀 3. 用蘑菇會好食D, 但雪櫃得返一包日本菇將就吓啦XD   米豬豬的page~ 每日都update~  歡迎各位like & follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/