Hello 各位媽媽們, 不經不覺產後已經兩個半月了, 終於有時間來紀錄一下我的開刀生B過程喇 Matt豬仔係法國醫院出世的（出世週數38W2D）~ 入院程序: 由於我係早上7:30開刀，所以需要提早一晚入院，當晚8:30入院直接去3樓登記同簽入院文件，之後老公去地下入院部交住院按金$7000，另外姑娘會講解有關須知（包括：每日探訪/睇BB時間，辦理出世紙資料，揀奶粉，12點後不准飲食等等） **特別一提係老公陪產費需要加$1000 **老公抱BB只可以等親子時間（每晚8:30-8:55）$60 一次15分鐘 之後就要驗小便同磅重，姑娘會幫忙剃毛毛，搞掂哂就會有姐姐帶上房。 上到房, 床上已有一袋醫院送的產後用品（衛生巾，床墊，網褲，沖洗瓶, 牙膏牙刷, 杯, 梳), 住院期間都夠用，所以自己可以唔洗帶咁多~  **想知入院走佬袋清單, 可以睇返之前的文章呀~ https://mamibuy.com.hk/home/17678 我揀住6人房（因3人房我有d驚，哈哈），當晚連埋我得3個人住感覺都好靜，之後幾晚都係3-4人，房裡有一個廁所連沖涼企缸。每張床上都有獨立電腦可以睇電視、上網、叫餐，好方便呀！ 剖腹過程: 第二朝，開刀前半個中要換好手術衫等姐姐推床上黎過床，落去前姑娘比左支胃藥水我飲，落麻醉藥時可以保護返個胃。之後就落到分流站等待入手術室喇，個一刻心情都未算好緊張，但又好想快d完成。到推入手術室喇...先會係手插針，再聽到準備要打背脊麻醉針開始驚喇，因為一直都聽人講打背脊麻醉支針係好粗同好痛架！(但竟然無想像中咁痛) 打完麻醉之後下半身會慢慢麻脾同好快就無感覺(硬左咁)，個時醫生護士就開始準備，首先會用一塊大布遮蓋晒肚以下既身體，所以整過手術過程係睇唔到的, 只會聽到聲音. 雖然係下半身麻醉，但麻醉藥影響到我都有小小暈（或可能會有想嘔，視乎個人），一切準備好手術好快就開始，呢個時候先會比老公入黎陪產，佢一入到黎已經面青青...緊張到要我同佢傾計安慰返佢轉頭 哈哈（激死中，但又好好笑） 開始左大概15分鐘左右，醫生同護士就開始前後用力禁我個肚要將BB推上黎，當時佢地應該都好大力下, 但我只感覺到張床係搖而又唔會覺得痛的。反而係諗點解推左咁多下BB都未出黎既，幾分中之後終於聽到醫生講BB成功出世喇 隨即就安心哂同聽到BB大大的喊聲！ 回想返個刻真係好感動呀但又有點不真實~ 到剪完臍帶，姑娘包好毛巾就會抱黎幫我地影相，當日就會曬返出嚟拎比我地（係用醫院相機，唔比帶自己手機><） 影完相之後，老公就要出返去等喇，而我就繼續等醫生幫我處理完傷口先可以上房。整個手術大概一個鐘左右就完成 (開刀真係好快)！ 上到房兒科醫生好快就會黎講返 BB出世體重&一切身體狀況，之後我就繼續休息等麻醉藥慢慢過，當時都擔心傷口會唔會好痛，好彩姑娘會定時比止痛藥，加上第一日係唔可以落床，所以麻醉藥過後都唔算太痛。但就要慢慢轉身~ 到中午家人就黎睇BB（BB出世後要保溫觀察4-6個中先可以睇得）, 而我就只可以睇相係床上繼續休息(24小時唔落得床)，到夜晚9點左右姑娘會抱BB黎比我見同影相，第一次抱住Matt豬呀！ 到第二日中午落到床後先可以去餵奶同睇BB！ 探BB時間表: 醫院收費: 5日4夜大概$70000內 （包括：產前留位費6000, 醫生手術費22000、麻醉師費7500、兒科醫生費1200(日)、醫生每日巡房1000(日)，手術室費、醫院雜費、房錢 等等） 總括嚟講 開刀過程比想像中無咁驚，背脊麻醉針比想像中無咁痛唔係咁恐怖，而且手術好快就完成，感覺好似發左場夢BB就出左世。只係頭一日落床傷口好痛好辛苦要慢慢適應，但一日會比一日好，到出院時就已經好好多了！ 希望我既經歷可以減輕各位準媽媽既擔心同緊張啦！ 祝各位準媽媽生產一切平安順利！   謝謝收睇喔 期待下一次同大家分享更多產後經歷! 歡迎FOLLOW INSTAGRAM / FACEBOOK 交流更多懷孕/育兒心德~ 以上純粹本人分享，大家可以自行評估適合/不適合喔~~(如有問題, 歡迎PM我) MATT豬媽媽日常生活可關注: INSTAGRAM / FACEBOOK 歡迎產品試用/邀犒合作/活動邀請: EMAIL chuimei_chung@yahoo.com.hk