武漢肺炎疫情依然嚴重，大家都要盡量避免去人多擠迫嘅地方，減少同人群接觸，希望疫情快啲緩和！ 唔想出街買餸又想食到靚食材可以點做？當然就係網購啦！上網click幾click，又靚又新鮮嘅日本蔬果就送到你屋企！當然價錢就冇自己出街買咁平啦，始終水果博士負責埋送貨，都有運輸嘅成本；但勝在唔使出街，省時又方便，而且食日本菜相對安全啲，唔使擔心污染嘅問題。 Nat媽媽最近就訂左一批蔬果，其實訂滿$300就免費送貨(偏遠地區除外)~ 水果博士超快手，大前日黃昏落單，琴日下午就已經收到！ 為食細佬Nathan見到咁多靚生果，就已經不停話食食食，仲即刻爬上凳等食! 報告下Nat媽媽買咗咩啦： > 佐賀縣嘅士多啤梨大大粒，紅卜卜，非常香甜！   >岩手縣冬戀HARUKA蘋果價錢唔平（不過呢款蘋果平時果欄買都唔平），但味道好香，果肉亦非常爽脆????????   >香川縣綠肉奇異果味道就比較酸，應該要放多幾日先好食。   我哋琴晚仲用日本菜整咗個日式火鍋！ 山梨縣嘅新鮮豆苗好好食，味道清甜，即剪即食，撈少少麻醬做沙律食又得，或者好似我哋咁打邊爐食都得！ 呢包豆苗連埋根，剪咗上面嘅豆苗，就可以繼續浸住根部，應該可以再長出來! Natalie負責照顧呢棵植物～ 長野縣嘅金菇都好好食，又滑又無渣，下次要再買黎整金菇肥牛卷先得！ 大家有興趣訂購就上網睇吓啦>>>> https://www.drfruits.hk/ #留在家中 #日本菜 #日本水果 #靚食材 #親子blogger