Leefamily係剛剛2月13-20日去完第二次親子遊嚕上次去福岡時只係帶住軒軒一個，晞晞仲係我個肚入面，今次晞晞都一齊真正參與埋嚕     今次我地去廣島+關西個邊玩，因為我地直飛廣島機場，航班同航空都唔多選擇， 亦唔係日日有機飛去有機飛返，配合哂一切，最終決定玩8日，所以先會去埋關西一帶。 帶一個29個月嘅小朋友&一個6.5月嘅bb去8日旅行，日本最高温度加埋大太陽可以有15度或以上，最低一度加上有小小雪，到底行李要點帶？     藍色代表軒軒、紅色代表晞晞、綠色代表兩兄弟都需要 四件衫+四條褲（旅程中我地會手洗） 香港出發時一件外套+背心（外套係日本無著過）到左日本+一件大嬲（係日本就算一度落小雪都係著一件絨毛衫+背心+大嬲，件大嬲好保暖無得輸加上已經有埋帽，又可以帶少樣野） 香港出發時面衫面褲+背心同薄外套，到左日本同阿哥一樣件薄外套無著過，同樣除左一般衫褲+背心之外，再加埋件夾棉大褸。若然大風我仲會用揹帶條頭巾遮住佢+我自已件毛毛斗篷com住 晞晞啲衫無帽，所以另外仲帶左一頂帽俾佢日日出街帶住 夾棉大褸都帶咗兩件替換 兩對襪（ 旅程中手洗） 頸巾同手套（無用過） ------------------------------ 一包44片拉拉褲（用剩十條左右） 一包60片尿片（用剩24條） ------------------------------ 平安藥 ------------------------------ 沖涼液，搽身搽面lotion，patpat cream  ------------------------------ 口罩 ------------------------------ 摺疊水煲 ------------------------------ 濕紙巾三包（剛好夠兩兄弟用八日，抹patpat同手） ------------------------------ 一樽香港水（軒軒上年去福岡已經飲過日本水不用溝俾佢了。） 晞晞今次飲完日本水都無事，咁下次再去日本就唔需要再帶樽裝香港水去嚕～ ----------------------------- 即棄圍兜 ----------------------------- 適量小食，我今次帶左星星餅，車車餅，同乳酪乾（for搭飛機或長途車） ---------------------------- 適量玩具 晞晞我就帶番平時佢係屋企玩開個三件牙膠玩具，玩厭就隨意係袋拎啲紙巾或其他安全野俾佢 軒軒就當然一定要帶幾部車仔啦 上次20個月時佢中意玩貼紙書，相隔9個月後已經興趣大減了呢期佢中意拎筆畫畫畫，所以出發前我上網買左麵包超人顏色簿俾佢 -------------------------- 餐具、水樽（不過我地都好少用，因為差不多間間餐廳就算無high chair都有兒童餐具，如果無，軒軒都用到我地大人嘅叉匙） 晞晞我就索性個八日停固先，全程只埋身飲奶，所以帶備餵奶巾就足夠，另外帶埋水樽俾佢飲水 ------------------------- 保温水壺（for出街飲哂可以添水俾佢地，我同老公又可以飲） ------------------------- 毛巾、 牙膏牙刷 ------------------------- 手巾仔， 口水肩 ------------------------- Bb車、揹帶     我哋今次只係帶一個最大size嘅行李喼， 出發時行李係16.4 kg         至於我同老公八日出街個袋分左佢負責袋軒軒啲野，我就負責袋晞晞啲野 五條尿片/拉拉褲 濕紙巾 玩具 小食 水樽 後備衫褲 餵奶巾 頸巾+手套（如果當日氣温比較凍就會帶埋）         無記錯應該係咁上下啦                   產品試用/活動邀請/其他合作 歡迎聯絡：tanleesharon2004@yahoo.com.hk 謝謝 Fb: [http://www.facebook.com/leessssfamily]