抗疫期間余媽媽都盡量少出街, 加上停課已經悶到一個點,  所以呢排多左機會同余小b一齊整野食, 乘機親子一下,  消磨時間~     同大家分享我的<零失敗。香蔥肉鬆卷>食譜吧！     <自家製香蔥肉鬆卷>   材料好簡單, 可以做到8-10個     <麪糰材料>   中筋麵粉    200g   常溫水        100g   植物油        8g (我用了花生油)   砂糖            15g   快速酵母     2g     <餡料後加, 份量隨意>   蔥                1小棵   肉鬆            1小碗     <搓麵團>   可以人手搓或交給麪包機做, 省時省力~   1. 我就把以上的麪糰材料放入麪包機內, 用<鳥冬麪糰>模式搓15分鐘, 然後再醒麪5分鐘就可以直接取出整形了！     (醒麪=放係機內等麪糰可以鬆弛透氣)   2. 取出麪糰後, 用麪粉棒在麪糰中央開始壓平, 要重複多次, 有助麪糰內的空氣排出       *把手粉撒在枱上可減少麪糰黏稠 (我用了<三羊牌>熟糕粉, 因為是熟的, 所以吃了都不怕)     3. 把麪糰摺3摺     4. 再用麪粉棒把它壓平至長方形     5. 反轉麪糰, 使其較光滑的一面向下, 用掃薄塗一層水於麪糰正面, 令佢容易黏著     6. 把蔥和肉鬆撒進麪糰上(本身肉鬆已經有少少咸, 所以唔洗落鹽都得)     7. 把麪糰向內捲成條狀, 捲得愈緊愈好, 然後把麪糰的接逢處捏緊, 再分割成8-10等份, 就成了尚未發酵完成的香蔥肉鬆卷了~     8. <跟著係發酵步驟> 放30度熱水於煲內, 不用開火, 放上蒸架, 再鋪上牛油紙, 然後把待發酵的香蔥肉鬆卷放在牛油紙上       9. 用布包住煲蓋, 以防有倒汗水, 影響成品的光滑度,  然後合上煲蓋~   ***待25-30分鐘完成發酵後, 包包會脹大1倍啊！所以包與包之間一定要留足夠的空位     10. 25-30分鐘酵後,  直接開中大火蒸10分鐘就完成了！   出爐了！健康又香軟, 好美味呢！         嚟緊我會同大家分享更多健康食譜~~~   #讚好 及 #設定 <余媽媽手記> fb專頁為「搶先看」就不會錯過呢啲最新消息啊！         以下是余媽媽&余小bのFacebook~   余媽媽手記       有關產品試用/活動邀請，歡迎與余媽媽聯絡 Email: qsmartland@gmail.com Facebook Fan Page: https://www.facebook.com/yumamabb/ Instagram Follow Me: https://www.instagram.com/yumamabb/