呢個芝麻糕....... 其實又係米豬爸爸要求...... 星期一訓醒後, 爸爸講咗句: 我想食芝麻糕 之後就出咗去隔離房開會 網上搵咗N多食譜, 冇一個啱心水, 諗諗吓, 唔係WO~ 米姑婆咪整過囉~~~ 我細個食唔小ga wo!!! 即刻whatsapp姑婆求救~~~ 姑婆搵返佢本天書仔出嚟, 入面寫晒佢整咗ge野食, 包括唔同ge甜品, 小食, 最後就搵到佢獨門秘方比我喇~~~    材料: 黑芝麻 150g 木薯粉 270g 粘米粉 100g 冰糖 500g 水 750ml   做法: 1. 黑芝麻洗淨晾乾後白鑊炒香 2. 黑芝麻加250ml水落攪拌機打爛, 再加500ml水打勻   3. 用約300ml芝麻水煮溶冰糖   4. 餘下芝麻水開勻所有粉類至冇顆粒, 同時糕模搽油, 煲定滾水準備蒸     5. 冰糖水煮溶後熄火, 先不3湯殼落粉漿開勻, 再將粉漿倒入煲內不停攪拌成糊狀 6. 將粉漿隔渣後倒入糕模內, 中火蒸20分鐘, 放涼後食得   爸爸見到成品又感到好amazing, 仲要係米豬有份整wo~~ 感動哩?~ 但米豬繼續唔食甜......... 果然係養生寶寶!   煮食小貼士: 1. 買到黑芝麻粉可以唔駛做step 1 2. 一開始落太多水打芝麻會有分層, 打爛咗再溝水再打冇咁易有分層 3. 落粉漿時一定要熄火熄火熄火!!! 如果唔係好易變一大舊 4. 如果太稀, 可以加小火加熱幾十秒, 但期間一定要不停攪拌個粉漿!!!! 5. 我冇成功做到姑婆講GE全滑冇一舊舊, 所以最後隔渣先蒸, 如果你攪到冇一舊舊可以就咁倒落去蒸 6. 坊間食譜多數落馬蹄粉, 出嚟成品就晶瑩剔透D, 我地用木薯粉就比較煙靭   米豬豬的page~ 每日都update~  歡迎各位like & follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/