岩岩嘅週末，見識到大家寂寞難耐的心，郊外處處人山人海，行山變左高危活動，火鍋店反而水靜河飛，本住最危險嘅地方就係最安全既心態，我就去試下出名食雞煲嘅尚上下夏 - 養生雞煲火鍋 去前諗住book定位，點知佢地做緊外賣自取8折，咁抵就梗係轉軑，外賣返歸慢慢安心嘆啦，落單時店員會mark清楚自取日期時間及早準備，等我到店比埋錢就可以提取兩袋以保溫袋打包好嘅美食，超方便貼! 菜單款式超多(可參加附圖menu) 我就精選左以下幾項去試 雞脾（半份) (唔辣) 瑤柱群翅雞湯 花甲王 帶子皇 鬼馬墨魚 健康什菜籃 返到屋企即刻開餐，一打開雞煲個盒香味撲鼻，引唔住放入煲前就偷食，雞脾肉夠晒滑，配菜如豬皮洋蔥勁惹味， 之後加入真材實料嘅瑤柱群翅雞湯湯底繼續烚烚烚，花甲王同帶子皇都睇得出勁新鮮，放入口夠晒爽甜，冰鮮真係冇得比! 再試埋將蟹籽墨魚滑釀左係油炸鬼上面嘅鬼馬墨魚，口感好特別，名符其實好盞鬼，難怪店家會列為必試系列啦! 什菜籃份量足，樣樣都有啲，加埋自家嘅烏冬、豚肉同一口牛，我地食到飽一飽! 留係屋企食雞煲火鍋真心嘆，店家提供埋獨立餐具同消毒搓手液，開餐前消毒乾淨就唔怕變成打邊爐家族2.0啦!! 你都想試下? 落單係咁樣的 1. 外賣自取全單享有8折* 2. 直接致電或whatsapp落單，滿 $1000可以免費送貨， 滿$500收單程車資* 3. Uber Eats落單送上門* 餐廳資料 尚上下夏 養生雞煲火鍋 地址：尖沙咀山林道23號地下 電話：2470-2668 營業時間：18:00-02:00 其他優惠：憑有效單據於2星期內再次消費可享有堂食9折優惠(Uber Eats 外送服務除外） 更多親子分享，請Like & Follow 鯨魚家姐‧蝦子細佬Facebook 同IG啦!