下星期就要復工啦，要準備好啲食材預備比竹竹做飯仔，一早去街市，本來好想去買牛奶魚*煲湯底，但魚檔姨姨話好少會有呢種魚買，如果煲比BB做湯底煲飯仔既話，其實紅衫魚都好有益，又平 ⠀ 要煲出牛奶白色又鮮甜唔腥既魚湯，最重要係將清洗乾淨既魚用薑片煎香，再用大滾水撞落煎香既魚到 ⠀ 材料：⠀ 紅衫魚 1斤⠀ 薑片 5塊+1舊拍扁⠀ 水 1.5公升⠀ ⠀ 煮法：⠀ 1/魚刮鱗，清洗內臟，用廚房紙印乾魚⠀ 2/同時間，煲滾一大煲清水，放入拍扁左嘅薑⠀ 3/燒熱油鑊，放入薑片煎香紅衫魚(耐心煎香一邊，唔好咁快翻轉，魚好易爛晒)⠀ 4/魚煎好就將滾水倒入鑊中，水量蓋過魚就可以⠀ 5/加蓋煲滾後，就可以將魚湯倒回湯煲，繼續細火煲大約半小時⠀ 6/煲好後，隔渣，小心過濾魚骨，倒入容器放入冰格儲存 煲完湯之後，因為忙住做公司野，唯有將佢放入真空煲度，所以魚湯更加濃郁 ⠀ * 牛奶魚，又名虱目魚，係香港街市很難買到，牛奶魚全身有二百二十二根刺，較一般食用魚為多，但含豐富蛋白質及人體所需的胺基酸，以及鈣、磷、鎂、鐵等大量礦物質、DHA、EPA及維生素群等⠀ ⠀ ⠀ ——————————————⠀⠀ FB: 山竹媽媽 X 竹竹日誌⠀⠀ IG: tamsiumoon⠀⠀ ⠀⠀ #山竹媽X竹竹日誌 #新手媽媽 #竹竹 #育兒日誌 ⠀⠀ #加固心得 #母乳餵哺