一個唔鐘意寫字、亦冇外補中文、只喜歡睇youtube（冇聲動畫片）、唔係資優生嘅小女孩，成功朗讀中文書! <看片> 現在同大家分享我自己嘅小小心得... 停課時期，鯨魚好掛念老師同學，我特登拎返學校K1同K2嘅書同鯨魚睇，然後提起學校嘅生活，扮老師陪佢讀書，角色扮演建立開心嘅場景，之後我先朗讀+做動作一次，再教鯨魚朗讀一次，最後由鯨魚自己讀一次，過程要勁讚佢好乖好叻，提升自信心，每日重複一遍，培養佢讀書好習慣，而每一次都要派貼紙或印仔獎勵，令佢覺得讀書係開心，之後再循序漸進朗讀深一點嘅書，好快就可以學識好多中文字，現在鯨魚每一天都捉住我或鯨爸教佢讀唔識嘅字，瞓前都要讀一讀書先安樂，一個月就有咁大改進，我真係喜出望外!! 重點技巧: 1) 先從內容簡單、字句組合相似的故事書入手 (例如方方圓圓系列) 2) 角色扮演建立開心場景 3) 朗讀+動作旨在形象化場景，加強記憶 4) 讚賞鼓勵不可少，提升小朋友自信心 5) 每日要讀一本書，培養閱讀好習慣 6) 最後亦是最重要的一點，抽出時間不厭其煩陪小朋友讀書，千萬不要責備小朋友為甚麼教多次還認不出字 唔希望以上小小分享幫到大家~~   更多親子分享，請Like & Follow 鯨魚家姐‧蝦子細佬Facebook 同IG啦!