因為要催生，16號就入左院，探過宮頸話熟左，唔需要塞藥，夜晚就沖完個涼拎風筒吹頭，17號朝早食完碗粥就準時8點過北翼待產，入邊冇得玩手機，安排左好床位，就有一大班實習醫生加一個醫生入泥，就問我介唔介意比個實習既探宮，實習探完宮頸就到醫生幫我穿水，係會有小小唔舒服，就一直好似有暖水流出嚟咁，之後有姑娘種豆+落催生藥+b型嗰支針，搞掂晒就話唔可以進食。 想開快啲開度數，啲姑娘會主動問你坐唔坐波波，穿左水冇得落床周圍行，坐左一陣條腰好痛好痛就訓番係床，到12點幾仲係冇動靜，個肚又打晒鼓，未問個姑娘有冇餅食，佢就話頭先未同左你講冇得食野，我對面個媽媽第二胎，同我同時間催生，已經入得產房！我就係咁聽到產房嗰邊傳泥。。。呀！好痛呀～我唔生啦，呀！都係依啲說話。我一直都冇feel，所以心諗有冇咁痛？有問過如果夜晚9點開得唔理想，就催生失敗，藥水由30開到90都冇反應。 去到大約兩點到，問姑娘借電話打比孩子爸，同佢講幾點探病，同仲未生得，叫佢收工先泥，我條腰痛到人都癲，就問個姑娘可唔可以打止痛針，姑娘：可以！我：你唔好走左去，唔番泥喎！姑娘：我點會唔番泥呢？過左陣就打左針，其中有個媽咪，痛到不停叫我唔生啦，可唔可以比我打止痛針，好痛呀，比我聞笑氣啦，呀！過左陣，我終於feel到有陣痛，好似泥m嗰啲痛咁，我見仲有兩個幾鐘先到探病就訓左陣，去到四五點，我問過姑娘有冇得打無痛，佢話麻醉師已收工。。。之後就開始泥料啦。。。