3月6日預產期 但到5號仍然無發動 唯有最後一次番翹康搵霍醫生做產檢同預約定催生日期 因為都怕過期居番太耐 檢查完之後我同老公行左3個幾鐘頭街 夜晚仲跟COFFEE做左個瑜珈 但就係我想訓覺既時候... 肚開始有痛... 都係相隔15分鐘 但我實在有太多狼來了假宮縮 無諗過會係準備上床訓之際突然”巴”一聲漏左攤水(˶‾᷄ ⁻̫ ‾᷅˵) PAPALAU問我會唔會係流料 因為醫生講過會一陣陣慢慢咁流出黎.... 唔似我呢個情況 兩個人你眼望我眼 唯有打比有經驗媽媽求救！thank you natnat親！ ***穿羊水正常係會無色無味 可以係一大攤流唔止 亦都可以係慢慢場地小小地咁漏出黎*** 咁求証完 我就即刻換衫同時PAPALAU 就call的士 換衫個陣已經控制唔到個場面 d水係咁漏 個下勁驚漏哂個囡點算 嚇到腳係咁振 上左的士都仲係係咁振 事實証明 你係個腦預演左幾多次都好 到真係黎料既時候 係會handicap的 ***建議download定call的士APP 仲有85折呢 一早填好資料出發地同目的地 最好做到的士等人唔係你等佢*** 10點半左右到左仁安 搞掂哂d入院手續帶埋手帶已經22:52 辦入院手續個時 姑娘會講解埋膳食同餵奶時間 見下圖 同埋都會問你有冇指定兒科醫生 咁我無既 就等醫院派一個比我 上到候產室初時無咩特別 仲幾輕鬆 有宮縮都係M痛感覺 但到12點幾開始 宮縮2分幾一次 平均50幾60 開始真係覺搞肚痛 就要靠笑氣 仁安笑氣係溝左純氧 用落唔會Wing wing下 靠埋個d呼吸法 都叫做OK！ 但真係愈到深夜人既意志力愈薄弱 3點幾好眼訓又訓唔到 我真係同Papalau講不如你比我打無痛。。我開得3度 點捱到10度 於是call左姑娘話要打針 等到打得既時候我地同步Odd左 說好的無痛變了patpat止痛針╮(￣▽￣"")╭ 但支止痛針真係幫到我 勉強訓下醒下到7點左右 Papalau去食早餐 而我係8點輕=鬆又比姑娘内檢下 當下係5,6度左右 但宮頸好理想 佢仲話澄澄都好努力鑽緊出黎 本身想再打針 但姑娘話宜家打會影響到bb 好的 我忍 最重要個囡 仲要聽到個囡都好努力鑽 當下盡量放鬆個人 痛就由佢痛 吸多幾啖氣唔好夾patpat希望開快d Papalau食完野上黎無耐 我開始唔得 佢仲留意到我宮縮愈黎愈密 8點半左右開始過百癲峰上到127！ (個痛真係來回地獄又折返人間 但又未到同時斷好多條肋骨既) 我終於feel到期待已久既[屙！屎！感！] 真係痛到無力之輕輕講左句:我想屙屎 姑娘再內檢 都驚訝 : 嘩你開得咁快9度幾10度啦!!入得產房！ 之後就同霍醫生講我生得！講真 你見到自己主診醫生 個心定到呢 個下對待產媽媽黎講好有安全感 最gag既係霍醫生話比個笑氣罩我吸住先 What！ ？係咪搞笑位黎 無駁笑氣真係得個罩 我一邊比佢地推入產房 一邊唔理照吸 當下個罩成為左安撫我既工具 thx buddy！ ***之前曾經好驚打PATPAT針 怕肌肉會好痛戚住 但原來佢幫左我 唔好怕 有需要就打啦*** 8:48入產房 仁安助產士真係好好 佢地會不斷鼓勵你 話媽媽你好叻 好夠力 而PAPALAU一直都係身邊同我打氣 幫我用紙巾印下汗 大概屙左7,8下話: 好多頭髮呀 見到頭仔嫁啦！好長d頭髮 生仔真係聽指令 要你屙就屙 停就停 聽住霍醫生指令同糾正翻d姿勢用力 助產士又幫手推肚 好快澄澄出世啦！ 成個過程10幾分鐘完成 痛左8個幾鐘 無打無痛 我覺得自己好叻嫁啦 最尾霍醫生就幫我聯番好個傷口 我過番自己房張床就推番上房休息了 PS.除左個笑氣罩 床既扶手都辛苦你了 我又握又扭左你半晚 留院期間: 咁因為疫情關係 宜家係冇左親子時間 - 即爸爸可以去BB房抱BB 亦都冇得係玻璃窗前睇BB 家人黎到都只限每日兩名家人上房探訪媽媽 需要實名登記 咁仁安都有外用薑水比媽媽清潔下身體用 早晚姐姐都會換一壺新既比你 我就冇JOIN到佢既膳食PACKAGE 因為奶奶夜晚會送飯比我 只係叫左早、午餐 SO FAR 味道係幾好的 我主要早餐食粥 下午就肉片時菜通 而每一節既餵奶時間我都會落去BB房 仁安係餵水奶比BB的 我入院時就簡左ILLUMA比澄澄 佢地可以選擇既品牌都幾多 但我一早就簡定左ILLUMA 唔使3秒就CONFIRM左姑娘 同埋 當初雖然預訂左普通房 但因為當晚入院時已經FULL唒 我就需要UPGRADE上半私家 (2人房) 早就聽說呢個情況係好易發生 所以我都有定心理準備完全問題 不過就要睇你好唔好彩 我同房的媽媽係開刀 所以半夜KEEP住有姑娘入黎幫佢換鹽水 換尿袋 可以話KEEP住都醒訓 真係可以深層入睡番而係中午 哈哈!! 完全估唔到~ 另外 姑娘同霍醫生都好關心排尿排便情況 一般順產生完4小時內佢地都希望你可以自行排小便 咁第一次會比個兜仔你係床度嘗試先 成功啦 下一次就會係姑娘都在場情況下陪你去 因為怕你第一次落床可能會出現腳軟 頭暈症狀等等 有人睇住好好多 而佢地都安排左D藥水比我坐浴 係FOR傷口可以消炎用 對我黎講好新奇XD 而第二日霍醫生黎睇我時問到屙左便便未 梗係未.... 佢都好了解好明白我驚爆線 佢話傷口好好 放心一定唔會爆 有左佢呢句說話 我當日夜晚就好順利咁屙左第一次產後便便了 兒科醫生每日都會黎同媽媽講下BB情況 做左D咩TEST 結果係點等等 因為我冇指定 仁安就派左溫醫生比我 咁都係正常交代番應該要比媽媽知既野 佢都有額外比左佢WTAPPS我 比左D防疲針資訊我睇 方便安排日後帶澄澄去打針 出院流程: 1. 朝早主診醫生會黎睇你 檢查下你狀況係咪可以出院 + 兒科醫生都會黎同你講解BB狀況同可唔可以出院 2. 確定哂媽媽同BB都可以出院 兩位醫生就會開單比仁安會計部計算你需要支持既金額 3. 咁醫院係會有個CHANNEL比你睇住你張單幾時READY SHOW你床號 4. 咁當張單READY 剔除CHANNEL上會有顯示 會計部都會打電話比你通知你可以比錢啦 5. 落樓下G/F 比錢 之後執好行李還番LOCKER鎖匙比姑娘同拎藥 6. 最尾係去BB房接BB 之後就可以番屋企啦!!! ***最尾我埋單全數係5萬6千幾左右 (INCLUDE醫生+住院+兒科醫生費用+雜費)*** ***建議早一日交定BB衫比姑娘 咁去到既時候等一陣聽埋出院需知好快10分鐘到就可以接埋BB一齊出院了*** 我諗今次既經歷 我真係最多謝最多謝我老公 一直陪住我係候產室等生 其次一定係霍醫生!!!! 如果真係生第二個 我都一定會搵番佢接生!!! 有佢我就放心了:)
