上一年嘅3月，我忙得頭昏腦脤，從網上小一派位機制、到直資及私立小學資料、再到申請Interview至等候結果，令人心力交瘁，做咁多野只為小朋友能考入一所心儀小學...但今年就更令人頭痛，復課日子遙遙無期，全港學校教程亦因此延誤，K2小朋友考直資及私小唔多唔少有些影響，好似面試技巧咁! 據知部份學校如期接受2021-2022年度小一入學申請，好似真道、音小等，4月就截止接受申請喇，家長真係不能夠有一絲鬆懈! 上年我特登整左個大表，方便自己比較一下各間直資同私小，今年如果你小朋友需要去考直資同私小，不妨參考我嗰【20-21年度直資及私立小一入學資料及時間表】，一表睇晒學費、申請時間同Portfolio等資料，等你有更好準備，唔洗好似我咁錯過一啲學校嘅申請。 如果你21-22年度入讀小一，又準備去考直資或私小，更加要準備埋Portfolio，雖然有部份學校唔收，校長老師也未必會睇，但整左安心啲，始終機會都係留返比有準備嘅人! 會收Portfolio嘅學校，要求都唔同，大家最好都係睇睇之前我上一年度準備嘅校網資料! 同時，要設定電話calendar alarm，提醒自己小一開放申請時間，以免錯過心儀學校! 關於Portfolio，上年我曾經分享過如何製作，而家再溫馨提示一下，Portfolio係愈精簡愈好，重點係 Less Is More ! 因為校長老師都冇太多時間仔細睇；此外，唔同學校portfolio亦應有所不同，內容要針對心儀學校嘅作風而訂!! 或許你會講，用powerpoint去整咪得囉，但我就覺得變化唔多，唔夠精美，效果唔夠好。反而有嗰我用開嘅網上軟件十分簡單易用，(除了買免費之餘特定素材圖案要收費)，效果又夠精美，而呢個文章嘅portfolio都只係用左15分鐘就攪掂喇! www.canva.com   想要詳盡20-21年度直資/私立小學資料及申請時間表>>>http://bit.ly/2Imou32 想知點整Portfolio>>>http://bit.ly/33cHjze   更多親子分享，請Like & Follow 鯨魚家姐‧蝦子細佬Facebook 同IG啦!