平常見朋友整嘅炊飯好吸引，將材料都切成粒或切絲再一齊煲飯就OK了，最重要係好味度爆燈！ 趁weekend嚟個懶人簡易電飯煲版，唔需要乜嘢裝飾或者擺盤都夠照，新手不敗！ 【三文魚炊飯 2-3人份】 材料： 白米－2米杯 水－3米杯（米同水比例依平時煮飯習慣就可以） 急凍三文魚－1件 任何新鮮菇類－隨意 昆布/日式高湯包－隨意 生抽/日式醬油－1湯匙 味啉/清酒－1湯匙（親子共食的話可以省略） 蔥花－隨意 鹽、黑胡椒－隨意 做法： 1. 將乾昆布加一碗熱水浸至少30分鐘，或者直接用日式高湯煲飯 （室溫水浸至少2個鐘，夏天需放入雪櫃浸） 2. 三文魚去皮切件，再用少許鹽同黑胡椒調味，備用 （留皮嘅朋友記得清乾淨魚鱗） 3. 菇類切除根部，再切成1cm長短 4. 洗淨白米後瀝乾放入電飯煲，加入昆布水、水、醬油、味啉攪拌均勻 （米同水比例依平時煮飯習慣就可以） 5. 放入浸發咗嘅昆布、菇類、三文魚，就可以煲飯 6. 等飯煮好，先抽起昆布，整碎三文魚再攪拌均勻就完成，隨喜好加入蔥花更美味。 *如果屋企有砂鍋或者鑄鐵鍋，煮出嚟會更有風味！     是次小分享完畢，有興趣可按 麵語錄食玩遊記 by Aminn 或 C家重地 Be a Asterholic 其他分享 :)   Aminn | Beauty．Food．Fun．Parenting．Trendy｜      麵語錄食玩遊記 by Aminn (Lifestyle) www.facebook.com/m.for.aminn  www.instagram.com/starzaminn      C家重地 (Parenting)  www.facebook.com/sy.lam.family　     任何合作請接洽：aminn613@gmail.com